五號屋的部落: 3月 2011

2011年3月30日星期三

又嚟即興Potluck!

2011年3月30日下午3:45公開累積瀏覽 31 3

March 26, 2011, Saturday night

今日我地業主立案法團又要同管理公司開會, 因為政府實施最低工資, 五月一日起要加管理費. 要各業主投票通過用那一個方案. 因為上次開完會, 大致上已有共識, 今次唔使一個鐘就開完嘞!

開完會某些部屋已即時離開, 我地幾家又講起potluck, 不如又嚟即興啦. 咁當然好啦, 我已經預備好的餸, 只不過唔係同型爸撐檯腳, 攞過去一齊食啫.

跟著大家返屋企, 約咗七點半開餐....

個幾鐘頭, 睇吓各部屋整咗的的咩野先....

十號部屋清炒肇菜

十號部屋炒米粉

十三號部屋肉絲肇菜炒烏冬

八號部屋即食嘅四川唔知咩野肉

八號部屋蒸椰菜包, 入面係豬肉碎嚟架.

五號屋嘅南乳焗燒雞, 佢地讚好味, 一件不留.

五號屋嘅醉豬手, 佢地又讚我啦! 剩咗四嚿豬手, 陶陶爸帶返去比陶老爸食, 佢話老爸好鍾意食豬手架.

三號部屋嘅蕃茄, 茄子炒翠玉瓜

三號部屋嘅焗牛仔肉

牛仔肉另外再配個蘋果汁架.

睇吓幾豐富, 共有九樣野呀! 不過我地加埋林小b, 都係得11個人咋. 我地好勁呀, 都食到八八九九, 唔係好多剩咋.

本來今晚同型爸撐檯腳, 而家有咁多人一齊食, 仲咁豐富添! 真係好開心.

食完大家傾吓謁, 走時好開心咁帶著兩隻吉碟回家.

南乳焗燒雞

2011年3月30日下午2:56公開累積瀏覽 276 2

March 26, 2011, Saturday Afternoon

送完媽媽返屋企, 見到佢settle down後我就返屋企啦. 今日預備教Ruby焗雞呀!
好想整南乳焗燒雞, 好耐無食過啦. 跟著嘅日子, 仲要教Ruby多幾款唔同整雞嘅方法, 等佢唔好每次都整手撕雞(雖然呢樣係大公子同二公子最愛吃法), 但對我嚟講, 食雞有骨落先好味麻.

首先攞咗個焗雞盤出嚟先

隻雞我早一日用少許鹽內外略醃

本來用呢隻南乳吊燒醬嚟醃, 點知用剩得少少唔夠醃隻雞.

睇吓, 搽咗等於無搽呀.

即刻攞樽南乳出嚟.

好大嚿喎, 一嚿夠哂啦, 先試味, 好鹹, 加糖調味, 壓成醬.

用掃將的南乳醬掃勻全隻雞. 等佢再坐一會, 的皮乾的. 係咪好攪笑, 人地整南乳吊燒雞, 我就整南乳坐燒雞. 咁肉酸, 梗係叫南乳焗燒雞好聽的啦.
二公子晚上去街, 唔食晚飯. 型爸話今晚唔使煮其他啦, 我地兩公婆, 一隻雞兩份食咪夠囉! 好吖, 分雞同味, 不過點都汋條菜啩.
一陣五點去開完業主立案法團會議, 再返嚟慢慢焗都未遲....
點知開完會, 我呢隻燒雞又要與鄰居共享啦... 大家又嚟個即興Potluck.

開完會, 約咗七點半食飯, 我六點半先開始焗.

230c 預熱焗爐

入爐啦, 係咪坐得好有型呀? 先焗10分鐘

10分鍾後幫佢轉吓身, 嘩!睇吓碟底幾多油. 亦因太多油, 好smoky. 雞背開始有的燶, 我將隻雞攞出嚟, 唔要的油

換隻碟, 將隻雞瞓低再焗10分鐘. 因為驚雞胸同雞肶位置太厚肉, 將隻雞橫放等呢兩個部位受熱的(都唔肯定係咪咁, 我用熱風焗, 其實應該點放受熱應該係一樣)

焗起都幾靚, 不過背部有的燶.

側面睇都好靚呀!

斬起都好好樣吖.

南乳焗燒雞, 攞埋碟醉豬手一齊過去食飯啦.

2011年3月29日星期二

媽媽出院了!

2011年3月29日下午2:21公開累積瀏覽 43 2

March 26, 2011, Saturday Afternoon

等到今天, 媽媽出院了!

由1月17日至今天...共10個星期...兩個半月, 媽媽今天終於可以回家. 衷心多謝醫護人員對媽媽的照顧.

早上十一時到達醫院, 大哥大嫂已經在那裡. 而媽媽竟然一早換好衣服在等我們. 想像得出她有多渴望想回家. 初時還有點擔心媽媽會忘記了, 早一晚探她時又再提醒她, 等她有足夠心理準備. 原來今天早上姑娘亦有再提醒她.

離開病房時, 媽媽的步伐很輕快, 她只用一支輕型拐杖, 不用我們摻扶, 自己慢慢行出醫院.
出院後並不是立即送她返回家, 已預先叫姊姊姊夫到酒樓留一張檯給我們, 大家先去飲茶.
媽媽心情頗佳, 每樣點心都給她食一點點.

飲完茶送她回家. 初時她說已經忘記了怎樣回家, 但看見她入電梯後本能反應馬上按下自己住的樓層, 到達家門口, 亦按著自己的袋口找鎖匙(我們沒有給她鎖匙), 即時放心了一點, 因為初時怕她連這些都忘記了. 入到屋, 她馬上走入自己房間看一看, 跟著行出來坐在客廳看電視, 一切都是那麼自然.

我的心終於放開了, 原來最好的選擇, 還是讓媽媽回到自己的家(姊姊陪她同住). 初時我希望媽媽同意去我家住, 但媽媽並不願意, 每日要她上上落落樓梯, 確是難事. 有時我們想要作出安排, 認為這是對她最好, 這只是我們的想法, 但並不是媽媽想要的.

雖然一個多月後媽媽還是要搬到新的地方與哥哥同住, 但這過度時期能讓媽媽回家, 讓她可以重拾一點慣性的回憶, 對她的腦退化確實有點幫助.

離開媽媽家時, 我的心情很輕快, 這兩個多月來的擔憂, 可以說一掃而空....

2011年3月28日星期一

醉豬手

2011年3月28日下午2:38公開累積瀏覽 473 1

March 25, 2011, Friday Night

買咗的豬手, 好耐都未整, 今日的起心肝整咗佢. 其實要嚟炆就又快又易, 但我覺得南乳炆豬手好似好肥膩, 都係整醉豬手, 爽的無咁肥膩.

今日整定都好嘅, 未知明天嘅schedule, 型爸話可能去朋友到傾謁, 到時可以帶埋去做送酒小食, 如果唔去, 整定當餸都一樣ok.

今次一次過整4隻豬手, 份量都幾多. 不過整哂唔使阻著個雪櫃.
豬手先汆水.

再放落pressue cooker 煲15-20分鐘熄火, 等佢略為cool down 再開蓋. 睇吓炆完幾多肥油出咗嚟. 的水全部唔要, 再用過濾水沖洗降溫. 平時會再用冰再急降溫, 不過今日時間充裕, 唔使咁做.
跟著就可以調個汁. 好多blogger 話可以買支香槽露就得, 但試過周圍搵, 都搵唔到邊道有香槽露賣, 都係用返自己一貫方法整好啦.

個花雕汁, 我就用咗四比一做比例, 即是四湯匙花雕加一湯匙魚露, 跟著加小小糖, 花椒, 八角2-3個, 紅棗, 杞子落去, 唔需要落鹽. 即時調味, 調出自己嘅心水味道. 今次大槪用咗28湯匙花雕酒(差不多半支花雕酒), 7 湯匙魚露. (喜歡重酒味的, 可將比例加減, 唔鐘意重酒味就減少的酒嘅份量). 放的豬腳落去放浸幾個鐘(時間因人喜好而異). 然後放入雪櫃就ok啦.

整好入落盒幾靚仔, 不過今次豬手太多, 的醉汁唔夠呀.

咁我咪先浸一盒囉, 剩返的豬手用另一個細盒裝著. 第二朝, 第一盒浸好, 將的汁倒落第二盒繼續浸. 嘻嘻! 係咪好慳家呢! 唔趕時間就有呢個好處. 睇吓的豬手浸咗同未浸係完全唔同色架. 如果再留意, 的醉汁再翻用, 一的油响面都無, 所以的豬手真係唔肥膩架.

有時的野真係好難講, 整嘅時候都無諗著要嚟做Potluck 嘅餸, 結果我地又嚟即興potluck, 完全唔使諗整咩, 仲可以一次過清哂碟餸. 正呀!

2011年3月17日星期四

古董留聲機

2011年3月17日下午2:50公開累積瀏覽 85 1

今日有一樣特別介紹, 只係聽得睇得, 但係唔食得(平時介紹嘅都係同飲飲食食有關).

我亦都唔係佢嘅主人, 但見佢咁靚仔可愛, 真係要介紹一吓.

就係呢部嘞, 超過100年嘅手提古董唱機

呢個就係佢嘅手提cover

而個底木座印著愛廸生標準留聲機(呢部機真係愛廸生發明架)

另外主人再拿出一個盒子

打開黑麻麻有6個卷型物體, 睇落完全唔知係咩野嚟嘅

將個卷筒放企身睇吓, 上面印咗的字, 摸上手又分辨唔出係咩野物料.

主人打開謎底, 原來呢幾個係唱片嚟架, 每卷係一首歌, 每首大約兩分鍾. 而面頭的字就係歌名. 成個卷筒係用蠟做嘅.

另外仲有兩個獨立裝, 一個係愛廸生品牌, 一個係牛津品牌.

呢個可以睇得清楚的, 首歌名係I'M ON MY WAY TO RENO. 日期係JULY 29, 1902....1902年呀!

點樣放卷唱片落架機到? 推起個喇叭...

睇吓銀色嘅部份, 套嗰個蠟做嘅黑卷筒落去

側面有個挍手, 好似上錬咁, 挍完就會播放音樂. 好勁呀! 當然, 以而家嘅標準, 的音樂就唔係好好聽啦, 但係一聽的音樂, 就覺得係差利卓別靈嗰個年代.
呢個愛廸生真係犀利, 咁多年前都發明到呢個手提留聲機, 用現代眼光嚟睇, 都仲係好有型.
唔單止呀! 另外仲有一部, 不過呢部年紀無咁大, 應該係四五十年代嘅.