五號屋的部落: 5月 2011

2011年5月30日星期一

消暑去濕湯料

2011年5月30日下午3:33公開累積瀏覽 304 0

先幾日打開個storage睇吓, 見到仲有幾包東方紅湯包. 上次大特價買咗幾款湯包, 諗著有時唔知煲咩野湯, 攞一包唔使諗, 加雞或瘦肉就可以. 數吓數吓, 都仲有六七包, 擺埋一邊, 成日都唔記得, 得閒要煲埋佢....

咦! 其中一包係去濕湯包嚟喎(買嗰時一pack幾包, 都無留意)

睇真的, 真係喎... (Antpyretic (退熱, 即係消暑啦) & Diuretic (利尿...吓即係去濕呀?), 哈哈, 順便學埋英文.
咦! 我上次另外買咗兩包去濕湯料, 煲咗一包, 仲有一包喎, 仲煲到好濃好似汁咁, 結果第二日要加多的水再煲過....冬瓜去濕湯

即刻攞出嚟睇吓先. 咦! 將兩包去濕湯料做個大比併都好喎.

中山市誠昌大拼東方紅

睇吓東方紅的成份先: 白扁豆, 赤小豆, 生熟薏米, 木棉花, 川草薢, 澤瀉, 蓮蓬, 燈芯花, 總重152g

而誠昌的成份有: 燈芯花, 蓮蓬, 木棉花, 荷葉, 扁豆, 生熟薏米, 赤小豆, 川太, 總重165g
大家都共有八種成份, 只有兩種不同, 東方紅有川草薢同澤瀉, 而誠昌就有川太同荷葉.
上網查過吓, 川太同川草薢好似係同一樣野... 而澤瀉的根狀莖是傳統中藥之一。中醫理論認為其性寒，具有利水滲濕的功能，主治小便不利、水腫腹滿、泄瀉、淋濁等症。荷葉就查唔到, 不過聽聞, 都係消暑利尿.
不過兩包嘅價錢就相差好遠啦, 東方紅嗰包特價(連埋其他幾包一齊買), 大約hk$19. 但係誠昌嗰包只不個係hk$5(定係hk$6呢...唔係好記得添...)
講價錢同重量誠昌就好抵啦, 但包裝方面就東方紅勝, 因為睇到入面的料係獨立包裝.
~~~~~~~~~~~~~
May 29, 2011, Sunday
呢篇去濕湯料都未post, 今日忍唔著都拆開呢兩包湯料嚟睇吓.

呢包係東方紅嘅, 好企理, 有六款配料都係獨立包裝, 只有燈芯花同蓮蓬係散裝.

誠昌呢份打開後就覺得的比例有問題, 的木棉花超多, 好似唔成比例(係東方紅嗰份嘅三倍), 燈芯花一樣係五紮, 川太得好少片(又細又薄), 蓮蓬一個(東方紅嗰份有兩個), 赤小豆同扁豆得幾粒, 生薏米仲唔多覺有(可能有都係得好少, 我睇唔到).

下次我會先煲咗東方紅嘅湯包先, 覺得每樣嘅配料比較合比例.

亦趁呢個機會, 將誠昌包湯料分開兩份. 但係再煲嘅時候, 會再加的生熟薏米扁豆赤小豆. 咁樣比例上就會啱的.

拆開咗包裝嚟睇, 東方紅嗰包貴的都有佢道理嘅. 再買都會比較安心.

2011年5月23日星期一

斷食三天 - May 2011 1st

2011年5月23日下午1:21公開累積瀏覽 141 1

May 17, 18, 19, 2011, 斷食三天

相隔咗半年, 今日卒之又開始了今年第一次的斷食三天. 型爸剛巧又耍出差, 星期五先至返, 這幾天斷食, 時間啱啱好. 我的幾餸一湯, 又要暫停幾天.

今次斷食, 揀咗這隻德國出品嘅蜜糖作為我這三天的主糧. 主要用嚟沖水飲, 我就加的玫瑰花杞子桂圓, 覺得更加好味.

為咗方便攜帶, 另外買了一小瓶新疆出產嘅蜂蜜, 150g裝, 唧唧樽蓋, 方便在公司倒出來飲用.
今年第一次斷食, 都算輕鬆渡過. 開始第一天比較疲倦, 當然啦, 因為真係無energy麻, 不過過了第一天, 第二第三天已經變得輕鬆愉快. 斷食去到第三天, 下午還去了永安shopping, 永安大減價我又大出血. 不過晚上瑜珈堂, 覺得頗為吃力, 因為當晚Miss要我地做頗多甚需體力嘅動作, 其他同學都覺得好攰, 何況係我呢, 簡直是體力透支, 不過都已經捱過咗啦.

今次斷食日非常守規矩, 絕沒有偷偷吃東西. 永安shopping時, 店員請我試食, 我也拒絕. 第四天復食日一樣遵守規則, 只吃簡單食物, 早餐午餐每餐都只食一杯紅蘿蔔粟米粥. 而晚餐也是一樣, 不過多加了幾條菜及一件肉.

這幾天沒有特別事情要做, 翻看去年寫斷食三天的blog, 都覺得頗有趣. 又發現寫blog的另一好處, 看完那幾篇, 我的意志力更加強.

唔知今年會做幾多次呢?

2011年5月22日星期日

Laphroaig Islay Single Malt Scotch Whisky

2011年5月22日下午2:23公開累積瀏覽 606 0

May 15, 2011, Sunday Night

八號部屋, 除了帶來那個荔枝玫瑰冠軍包外, 大家談起Whisky, 她馬上從家裡拿來這支whisky...

Laphroaig Islay Single Malt Scotch Whisky

她說她一共訂了三支, 這支是Quarter Cask, 另外兩支, 一支是10年, 一支是18年.

當其時我地經已開咗其他Whisky, 但都即時開嚟試吓.

味道非常之香, 有很香的煙薰煤麥味, 不過喝下去, 喉頭有一種辛辣的感覺. 不知10年或18年的酒, 入口的感覺會否有所不同.

~~~~~~~~~~~~

May 21, 2011

哈哈! 呢個blog都未趕得切出, 21號晚嘅大食會已經試咗呢支18年

但這天狀態不佳, 飲咗一啖都唔敢再飲. 此酒味道好香, 但真係好勁, 飲咗落去好似由喉嚨灼到落個胃, 我斷食完, 頂唔順.

上次都無留意, 今次先睇吓張leaflet

入面有tasting Notes: 提議飲嘅時候加幾滴水可以"喚醒"的酒香.

原來共有四款, 10 year old, 10 Year old cask strength, 18 year old & quarter cask. 哈哈, 我地都試咗兩款啦.

不過今日都唔止我一個狀態唔好, 型爸都話狀態不佳(出差幾天), 今天飲咗非常少已經改飲soda water, 十六號部屋亦一樣. 最後林老闆都話有的頂唔順....

奇怪....此酒48%, 上次嗰支Ardbeg 60%, 都無勁得咁緊要喎!

2011年5月21日星期六

珊瑚草煎蛋

2011年5月21日下午2:22公開累積瀏覽 195 0

May 15, 2011, Sunday

Mr. & Mrs Kua遲的又要出門, 佢地出門前, 我地又嚟一次gathering. 初時約的時候, 我地大概有十個人, 點知食飯前我先知再加多五個人. 臨時多咗人, 驚唔夠餸, 即刻整多樣.

上次blog友大甜甜話珊瑚草可以用嚟煎蛋, 一路都想試, 但成日都唔記得. 雪櫃有浸咗嘅珊瑚草, 今日就可以試吓用嚟煎蛋.

我都唔知用咗幾多珊瑚草, 只係隨意, 無刻意秤吓重量. 將的珊瑚草略為剪碎

用咗10隻蛋

加蔥花, 加鹽加胡椒粉調味

用平底鑊煎.

蛋太多, 分兩碟煎.

咦! 味道真係ok喎. 有的似白飯魚煎蛋. 的鄰居都話ok喎...

多謝你呀! 大甜甜.

2011年5月20日星期五

Nick Vujicic - life without limbs to life without limits

2011年5月20日下午3:36公開累積瀏覽 270 1

May 20, 2011.....Friday, 一個特別的日子

公司今天來了一個特別的客人, 我們每一個同事都好祈待...

他就是力克胡哲, Nick Vujicic. 如果不認識他的話, 可以上這條link Life Without Limbs :: Nick Vujicic 可以知道多一點有關他的事情.

今次是第三次在香港見到Nick, 第二次可以擁抱他, 真的很興奮. 第一次應該是兩年多前在依利沙伯體育館的佈道會上, 當晚其實可以去擁抱他, 但人太多, 沒有那樣做. 跟著是年多前在一個慈善晚宴上, 可以去擁抱及和他拍照. 今次再有機會親身見到他, 真的是一個很難得的機會. 每次見到Nick, 都被他的積極人生強大的力量所感染. 他對每一個人都很親切, 亦絕不吝嗇他的擁抱, 我們每一個同事都可以和他擁抱, 拍照.