2011年11月30日 星期三

臘腸雞卷


2011年11月30日下午11:17公開累積瀏覽 297 1


一件雞扒包一條臘腸, 我用咗兩條潤腸一條臘腸

首先將雞扒鋪平, 將比較厚身嘅肉起出嚟, 等的雞肉分佈可以平均的, 咁樣容易的包又靚的,  將條臘腸放入試捲, 啱啱夠一圈就可以, 而剩低嘅肉可以切出嚟, 的雞皮唔好切走, 要用嚟收口. 再用刀背將雞扒略為剁平.  跟著落鹽及胡椒粉調味(調味隨個人喜好, 但臘腸有鹹味, 所以我覺得無需落太多醬料),


切出嚟嘅肉可以留番嚟炒雞丁, 我用咗三塊雞扒, 但切出嚟嘅肉都有一塊雞扒咁多


跟著就可以包啦, 捲好之後, 就用牙籤連雞皮拮好 (呢個時候, 的雞皮就發揮好大嘅作用)


睇吓, 都包得算幾均勻, 可以蒸啦

大火加蓋蒸大約20分鐘, 蒸起好多油架

唔要的油, 將牙籤慢慢取走, 蒸熟後雞捲已經定型, 唔會散開.   其實呢個時候都可以切嚟食, 但我覺得做多一個步驟好的
就係用平底鑊再煎一煎, 將雞皮的油再迫出嚟, 我唔想去皮直接煎的雞肉, 咁樣的雞肉會好嚡.


煎咗的雞皮會好脆, 無咩油.


切好就上碟可以啦.

食嘅時候, 可以唔要的雞皮(我一定去皮), 的雞肉好滑加埋的臘腸, 好味呀!  雖然我勸佢地唔好食雞皮,  但我見的男士, 個個都好似聽唔到咁....

煮呢個餸, 我覺得的雞皮真係發揮了好大嘅作用, 可以好似保鮮紙咁包實的雞同臘腸, 又可用嚟收口(淨係拮的皮唔拮肉), 煎起上碟又靚的添呢.

2011年11月29日 星期二

十一號部屋燒烤夜


2011年11月29日下午11:17公開累積瀏覽 95 1

 

今日又係好多野食呀!
 


牛仔骨, 羊扒, 雞翼, 多款丸, 幾款腸. 嗰款麻辣腸用唛燒烤真係好好味, 皮夠脆(會爆開), 腸夠辣, 而細細條嘅都係黑椒辣腸, 不過呢伋就麻麻啦. 
kakaka, 女主人梗係以為打邊爐, 將的丸切花, 燒起變成花蛋,


仲有蕃薯, 粟米, 金菇, 脆玉瓜, 茄子.....

呢個爐係五號屋架...夠哂大.
 
飲品三箱, 水, 雞骨草, 羅漢果水, 仲有汽水
 

甜品有雪耳糖水


西瓜一大個

今日無咩飲酒, 因為主人家唔好, 淨係開咗支白酒幾位男士飲

今日好多部屋出席, 三號, 五號, 八號, 九號, 十號, 十一號, 十二, 十三, 十五, 十六, 十八, 二十.....嘩嘩嘩, 仲有無呀, 唔燒野食都一齊出嚟傾吓謁, 真係高興呀!

我地呢道真係好熱鬧呀! 算係最多人出席嘅一次啦!

2011年11月23日 星期三

漢陽苑


2011年11月23日下午10:20公開累積瀏覽 149 1
                                                                 
November 19, 2011, Saturday Afternoon

星期六下午,  同型爸二公子出去尖沙咀辦點事 


泊完車出嚟, 見到漢陽苑, 咦, N咁多年無去過, 不如上去試啦, 我都鍾意食韓國料理
 

上到去, 唔係正宗韓國料理, 已經改咗做自助餐型式, hk$88一位.  咁嚟到都食啦
 

呢的係前菜
 

仲有呢的熟食, 不過見到都唔係好想食喎
 

呢道食壽司, 都係唔係幾啱
 

最後都係攞呢的醃好嘅牛肉肉


還好呢的肉都醃得幾好味,二公子係牛魔王, 我地淨係燒牛肉,


再攞咗的泡菜青瓜芽菜, 仲有兩件雞腎


型爸攞咗呢碟返嚟, 以為係肥牛, 但我一睇, 唔係阿麻, 腩肉就真


燒起肥到咁, 又韌, 唔好意思, 浪費都要掉咗佢


仲有生果甜品


我擮咗的涼粉, 加咗幾粒啫哩糖, 仲有一個椰汁西米糕(不過唔好食架)

後尾見到型爸食雪糕涼炒, 咦! 係喎


有四款雪糕....


食咗三粒啫哩, 加番一個雪糕球, 咁咪係雪糕涼粉

漢陽苑 018
埋單hk$300.30....咦! 每位收hk$3茶錢.  問嗰位waitress, 我地連茶都未飲過喎.  嗰位小姐嘩, 真係唔好意思, 再睇吓連豉油都無比我地.  一路講唔好意思... 咁就知呢道的service 啦.

唔緊要, 都應該好少機會再嚟.

豆沙西米盞


2011年8月23日下午2:22公開累積瀏覽 260 0

今日又要整一樣大公子喜愛嘅甜品, 豆沙西米盞.

之前已經整過豆沙西米盞, 的鄰居好鍾意食, 今次一次過整多的, 大家起碼有兩個....
用咗600g西米(先將西米浸1-2小時, 隔去水份), 糖200g, 橄欖油4湯匙
豆沙適量
西米, 糖, 橄欖油撈勻, 再用篩隔去水份(免得的西米過糊)
所有配料準備好, 可以開工啦... 的錫紙杯先掃油(的西米蒸好非常黏, 掃咗油容易脫模)
將西米先放一層於杯內
中間加一匙豆沙
再在上面加一層西米...用匙羹整到每個好似小波波, 不過蒸起都會扁下去.
放入蒸爐蒸30分鐘(用鑊可以25分鐘)
一次整咗39個, 仲有好多西米, 但我無咁多錫紙杯, 要將呢的先脫模, 然後再整第二round.
整好我梗係先食一個試味, hmm...好味
 
的西米好黏, 要用煲鮮紙分隔.  立即pack好四個, 預備攞比媽媽食
其他都全部脫模....哈哈, 有三十幾個, 夠派街坊....結果真係派哂....
第二round再可整多二十幾個.  嘩! 一斤西米可以整咁多個.  不過呢批可以唔需要脫模, 食唔哂放番入雪櫃, 入咗雪櫃, 西米會變硬, 食時可再蒸翻熱.