2012年9月29日 星期六

Regal Kowloon Hotel - 925 Party


2012年9月29日下午12:46公開累積瀏覽 0 0

 
又係有好多精緻嘅食物, 應該係五間酒店甜品師傅嘅出品.
 

好多款食品, 樣樣都好精緻
 



有壽司師傅即時包壽司....  仲有好多唔同嘅中式熱薰.

跟著大會攪了一個烹飪比賽, 其實都唔係真正烹飪, 只係廚師預備了食材, 要佢地包大蝦紙米卷同調配醬汁

由大廚同酒店高層仍為評判
 
食到咁上下, 我就幫襯的甜品啦.
 

再下一個節目就係由idance嘅導師出嚟舞蹈表演, 再叫的賓客一齊出嚟跳.
 

大廚頒發烹飪得獎者

跟著就係壓軸大抽獎, 跟著晚會結束.
 

臨走時酒店OM SPA 送出HK$300coupon

仲有一張idance Free Trial Day Pass.

哈哈, 兩樣都唔啱我使, 返到公司轉贈給秘書小姐.

2012年9月28日 星期五

石榴酵素


2012年9月28日下午3:02公開累積瀏覽 638 3

 

再過多兩日的氣泡就仲犀利.  過多兩日的氣泡就變少...慢慢就無咩氣泡啦.
 

第15天啦, 收成日, 的氣泡就無咩啦, 不過留意吓的石榴, 好似熟咗咁變黃變軟
將的石榴酵素倒出嚟, 同的渣分開儲存.

我嘗試用的酵素渣, 用嚟整花果茶.   菠蘿加薑都ok, 呢款石榴就要試吓先知啦.

2012年9月26日 星期三

New York Cheese Cake - 二公子的生日蛋糕


2012年9月26日下午12:49公開累積瀏覽 542 0


每次都係用兩個8"可以甩底嘅模, 不過要反轉個ring嚟包, 唔係脫模時就好難啦.


每袋8塊消化餅, 用棍壓碎


用50g溶牛油混合


壓成餅底放入雪櫃冷凍

呢的就係整Cheese Cake 嘅材料, 每個計: 500g cream cheese (整咗咁多次用過好多唔同款嘅cream cheese, 覺得Kraft係最濃味), 一盒sour cream (一半留嚟做餅面). 糖140g, 雞蛋一隻, 蛋黃一隻, 雲呢拿油一茶匙.

唉吔, 唔記得將的cream cheese 室溫放軟添, 唯有先用刀义鬆, 同的糖拌勻再用打蛋器打成漿啦.
跟著落蛋, 蛋黃, 半盒sour cream, 最後落vanilla oil..  打完一份, 跟著再打第二份
 

跟著响雪櫃攞餅底出嚟(好彩記得未掃油, 即刻掃油先, 唔係一陣好難脫模呀), 加上芝士糊, "櫈"平, 將面掃平

預熱焗爐170C

焗一小時.  個焗爐大有好處, 一次過放兩8"模都得...真係慳時間慳電

入咗爐就整餅面啦.  半盒cream cheese 加28g 糖, 拌勻成至糊狀
New York Cheese Cake - 二公子生日蛋糕 (13)
差唔多得啦, 好靚呀!

左手面呢個發起好靚, 而右手面嗰個中間有一小部份無漲起, 但係有小小濃面又幾好喎.
 
要即時脫模.  嘻嘻, 今日一脫就得.  美滿!
 
將sour cream糊倒上面
掃平, 再放入焗爐焗10分鐘.

攪掂啦.  待涼, 再放入雪櫃, 最少雪4-5小時, 過夜就最好啦.   睇嚟都係要留番明天先切啦.

嘻嘻, 而家真係好方便, 都唔使點裝飾(加咗生果二公子都唔食架), 加的英文字母蠟燭就ok啦. 
 

用Oreo做餅底的火焰雪山


2012年9月26日下午3:07公開累積瀏覽 476 0


用七塊餅砌成圓形, 放在焗碟上
5隻蛋白, 加35-40g沙糖
 

用打蛋器打發

打至蛋白企身
 

一盒中size雪糕

反轉倒在Oreo餅上

再鋪上蛋白, 至雪山形狀

預熬焗爐200C

焗大約10分鐘
焗至有少許焦黃色.

呢個時候可以加Rum酒點火, 但二公子話唔鍾意酒味, 咁就唔落啦.
加個Happy Birthday 牌就攪掂啦.
 

切開的雪糕都仲未溶呀!

的蛋白好好味呀, 不過的雪糕就甜咗的.   下次買Cookies & Cream 會好味的.

大家都好飽, 但呢個甜品唔留得, 大家要好努力食哂佢呀!