2012年11月28日 星期三

血拼一田超市


2012年11月28日上午11:39公開累積瀏覽 542 0

兩款芝士

鵝肝魚子醬. 鵝肝想買多一礶都無, 每款買一礶啦.  


急凍藍貝


泰式魚餅, 泰式札肉

烏冬都買咗三款, 急凍讚岐烏冬都買咗4包, 善通寺買咗兩包, 手打烏冬兩包....呢排都會食烏冬.

珍珠雞&鮮竹卷, HK$5一包, 我平時好少買, 但型爸鍾意食珍珠雞

韓國人參雞湯, 我地去韓國都買過番嚟, 今日買仲平過韓國買.  HK$106 三包.


急凍響螺頭兩包.
蜜糖三樽


唯一的熟食胡椒餅及韮菜餡餅.


張單水蛇春咁長...


唉吔, 仲有南北行湯包, 呢包即時比錢, 唔係去收銀處.

我地都算快, 唔使兩個鐘攪掂, 因為我地兵分三路, 型爸負責芝士風乾火腿同和牛, 我就負責其他, 二公子排定隊, 排到我地就唔再買...走人.

不過出到去, 二公子話唔記得買杯麵同即食意粉, 佢話要嚟做宵夜....不過咁多人梗係唔番轉頭...去其他超市買啦.

但二公子約咗朋友睇戲, 型爸又話天氣涼不如食火鍋....咁唔買著啦, 先去買餸先.


不過型爸鍚佢, 星期一(大減價最後一日)再同二公子去買風乾火腿同即食意粉... 又掃咗12包.... 仲有的風乾火腿.  個counter小姐話呢幾日用手推部切片機, 隻手過勞推到腫咗呀!   唉, 大減價谷旺個埸, 的員工就辛苦啦.

2012年11月27日 星期二

農場鮮奶公司 - 石崗甲龍村雷公田78號


2012年11月27日下午2:26公開累積瀏覽 1133 0


仲有個流動厠所....有個牌寫著香港青件恊會有機農莊...個牌棟喺呢道, 的人實見到啦.


沿路過去, 呢道係大欖郊野公園其中一個入口


有地標


沿路仲有好多燒烤位, 中午時份已經有很多人在燒烤


仲有呢個外面睇落頗為企理嘅洗手間, 不過入面乾唔乾淨就唔知啦.  去農場無洗手間, 要去就要嚟呢道.

見到呢個黑白色石頭, 就係入口啦.

好"骨仔"嘅石屋


泊好車(呢道得十個八個車位咋), 對面山好大霧, 今日天氣都係麻麻

呢間石屋唔可以入去.

呢道就係小食亭, 連有蓋座位

亦都有露天座位

餐牌只有一個, 貼著喺小食亭counter


比個close up睇吓, 飲品及甜品價目


簡單小食/麵食
呢道的係Hand Cream, 主婦手專用....(幸好, 我唔需要買)
 

我地要咗一盒大鮮奶
 

HK$10, 8 粒魚肉燒賣

型爸要的餐蛋出前一丁

二公子要的五香肉丁出前一丁

我要的雪菜肉絲撈烏冬
我的午餐
 

食完就叫甜品, 我同型爸試薑汁撞奶, 二公子要燉鮮奶

呢個可以即刻食, 幾好味, 好滑


呢個撞奶就到等幾分鐘先可以食.
等咗幾分鐘, 好似凝結就係啦.  不過食落覺得比較"稀"的, 味道麻麻.  燉奶好味好多.
 
食完去睇吓山羊, 可以賣的草餵山羊, 但我地無買呀.   的羊可能比人餵慣, 行埋欄邊, 諗著有人餵.

行一陣我地走啦, 由石崗落番荃錦出大埔, 經過嘉道理農場, 我從未去過, 有機會去行吓先.

出大埔去大埔超級城...一田大減價, 好似好多人, 我從未試過減價去, 今日要去睇吓....不過只係去超市啫.
 

迷你漢堡包+ 熱狗包


Nov 27, 2012 10:38 PMPublicPageviews 436 0


搓好發酵40分鐘(大約至兩倍大), 切割搓圓做形

我無圓形muffin模,  做形之後壓扁.

做咗8 個, 每個大約47g

我都唔知點解當其時有個諗法, 唔想的包發得太高, 用個小膠盒蓋著, 另外再整咗幾個58g 嘅熱狗包

一打開個膠盒就後悔, 的麵團黐著個盒, 攪到個個鬼咁肉酸, 無法啦, 都要繼續整, 掃蛋汁灑上芝麻.

180c 焗15分鐘

好彩一焗的包就脹番哂

都似模似樣

咦, 的漢堡包細咗的喎, 真係迷你漢堡
第二朝即刻食啦.

迷你漢堡一個

橫切一刀, 再放入焗爐100c翻熱10分鐘

加呢個火雞扒就啱啱好

不過加咗芝士同蛋就好好妙笑啦.
加杯咖啡, 都不失為一份唔錯嘅早餐
 

好味架!  不過睇嚟我下次都唔應該阻著佢發育, 要做大個少少


星期日就到熱狗包啦.   呢個差唔多啦, 兩邊突條埸出嚟, 開心的嘅
加埋杯咖啡, 就係我地星期日早餐.