出差寧波- 2013 1126

November 26, 2013, Tuesday

 

昨天忙呀忙呀, 趕起了大部份手頭的工作, 今天要出差寧波呀!

 

雖然是早上十一點三十五分的飛機, 七時半便起床梳洗, 八點四十五分出門開車到機場.  一切順利, 差不多一個鐘便到機埸.

 

 Check in 完便去premium lounge 食碗喜愛的魚蛋河, 加杯咖啡

 今次阿姐仲介紹的腸粉, 佢話好好味架.   加咗好多醬, 食落又真係唔錯喎.

 輕輕鬆鬆咁去到閘口....攪咩, delay仲要轉閘口, 好彩由gate 20去521都唔係好遠.  本來過delay35分鐘, 最終上到飛機, 都要等delay足一個鐘先起飛.  

 

到達寧波已經仄兩點幾, 攞埋行理打的去到寧波寫字樓都已經差唔多四點.  

 

第一時間交的文件比同事去辦, 希望星期五走之前可以攪掂啦.

 

做到差唔多六點, 要去酒店check in 啦, 今次都係住Sofitel, 呢間酒店唔錯.

 

放低行理休息一陣就同同事出去食飯.  晚上一行出酒店, 天氣凍了很多, 大約十度八度吧.

 

同幾位同事去了萬達廣場地下一間火鍋店.

 呢間火鍋店叫風雲肥牛小火鍋

每位客人, 一坐低便要先付八元, 可以隨便取生果小食

自己調個醬汁

同事不吃牛, 要了羊肉片...一客都係十片八片

呢款係炸豆皮, 好味架.

所謂小火鍋係每一一鍋

要了木耳, 菇類

唐萵

 

山藥

要了兩款牛肉, 霜降及普通肥牛

 

唔覺唔覺都叫咗好幾款

一人一鍋就最好, 感覺上好衛生呢.

 

他們都是男士, 食火鍋喜歡飲啤酒...  我都飲少少啦.

 

我地幾個食完, 仲有下場呀!  另外有幾位同事, 在附近Karaoki等我地.

 

公司從深圳調了好幾位同事過來這邊跟一個大project, 有兩位差不多待了兩個月, 明天要回去, 跟著再從深圳調其他同事來.  他們的部門主管, 自掏腰包請大家去唱K, 等大家輕鬆吓啦.  平時好少機會碰面, 返而出差先有機會聚一聚.

 

唱到差不多十二點便要離開, 明天還要工作......由萬達廣場步行回酒店....好冷呀!

 

 

兩款檸檬醋

November 24, 2013, Sunday Night

今日又玩浸野, 要浸檸檬醋呀!

上個星期買咗醋, 未買檸檬, 昨天卒之買咗二十幾個檸檬.

我去遊blog, 跟翁靜晶嘅浸法

檸檬20個, 洗淨, 用熱水拖一拖去表皮的蠟, 切片

我買了一包raw sugar, 只需要500g

白醋需要3 liter, 呢款500ml裝要6瓶.

將切片檸檬放入已清潔消毒瓶內, 排好後加入raw sugar

最後倒入醋.  咁就得啦.

呢瓶最少要浸三個月, 浸六個月就最好.  睇的blog話飲呢的檸檬醋可以將身體嘅酸性變成鹼性, 可以排毒.  所費無幾, 浸嚟試吓.   遲的收成時, 再介紹的飲法及好處.

----------------------------------------------------------------------------------------------------------------------

浸完一瓶大, 我又浸一瓶細嘅試吓.  呢款用嘅份量比例又唔一樣, 浸法好似浸酵素咁.

檸檬3個

糖 300g

白醋500 ml

做法好似浸酵素咁, 將檸檬鋪一層加一層糖, 又鋪檸檬, 又鋪一層糖

比例上, 好似好多糖, 不過都試吓啦.

加入500ml白醋

呢款好快呀, 浸兩個星期就得啦.

兩款檸檬醋, 收成時再介紹啦.

馬仔記客家菜館

November 24, 2013, Sunday Night

 

星期日, 型爸又約林老闆一齊出去食晚飯.  型爸想去流浮山食海鮮, 好遠我唔想去呀!  我仲有好多野做, 預備好哂的檸檬浸檸檬醋.  遲兩日出差又未執行理, 九點又要趕返嚟睇電視大結局.  唔想去咁遠喎.   林老闆提議不如去上水馬仔記啦, 咁我地梗係贊成啦.

 

 我都有經過呢間馬仔記, 今日都係第一次幫襯

見到呢個餐牌, 即刻聯想到老闆係個馬迷

 

 佢地叫咗碟花生...要收錢架....HK$12 

天氣轉涼, 林老闆話呢道的羊腩好得, 咁第一時間叫啦.  侍應話要快的落單, 驚好快賣哂

臘味炒芥蘭, 的芥蘭炒得好靚呀!

  金菇肥牛煲...二公子叫的

客家炸大腸, 又係二公子叫的

咁少...未齊呀!

 

的羊腩滾起, 好香呀! 仲幾大鍋, HK$238都算抵.

油鴨潤腸煲仔飯, 的飯煲得好好, 不過油鴨鹹的, 潤腸麻麻

鹹魚肉餅煲仔飯, 好正呀!

 

五個人咁多野, 好夠啦.

 

食完快的返屋企睇大結局呀!

 

飯後回家林老闆帶咗枝ice wine嚟飲, 好香.  我地又開咗一枝大嘅ice wine....

 

計吓計吓, 的ice wine細細枝, 可能仲貴過的Whisky呀!

 

跟著型爸又攞的藍莓芝士出嚟同林老闆, 芝士ice wine送電視大結局.

 

我好忙呀, 要浸檸檬醋呀!

蜂蜜梅酒半收成

November 24, 2013, Sunday

今年四月尾五月初分別用不同嘅酒浸咗梅酒, 有的人話六個月可以飲, 不過我覺得浸耐的會好的, 最少要一年.

 

今日攞咗的梅酒出嚟, 打開嚟聞吓...嘩, 瓶瓶都好香梅味, 不過其中用三蒸浸嗰一大瓶, 的酒味仲好烈, 仲要浸耐的.

並中呢一瓶, 係用廣東米酒浸

一早預備浸到咁上下就加的蜂蜜, 本來諗著浸三四個月就加蜂蜜, 貶吓眼就六個月.

 真係忍唔著, 倒少少出嚟試吓, 好香好好味呀!  其實唔使加蜂蜜都得, 不過諗著加就加啦. 

呢枝蜜糖响永安買架.

100% Myanmar Natural honey

我加咗30g蜜糖, 搖勻, 再浸多六個月

嘻嘻, 試咗味之後, 其實好想飲咗佢, 但呢瓶只得400ml, 可以好快飲哂....忍一忍先.

陶陶生日燒烤夜

November 23, 2013, Saturday

今日陶媽為陶陶預祝生日, 攪個燒烤聚會, 大家又可以一齊同樂.

睇著陶陶出世, 時間過得好快, 11月25日就四歲生日.   提早星期六舉行, 大人細路都可以玩得開心的.  明天唔使返工返學.

陶媽預備了好多食物, 大部份都响梁九記買架.

 

牛扒

羊扒

蕃薯粟米都係好搶手嘅食物

燒大眼雞, 扇貝, 蝦....不過五號屋顧著傾謁....好多食物都無影呀!

 

哈哈, 五號屋都係一貫的不勞而獲, 只係坐喺道食, 我唔燒呀!   不過真係唔食得幾多, 每樣食一嚿都已經食唔落.

攞咗呢枝响韓國機場買返嚟嘅Whisky過嚟一齊飲, 不過whisky都係男士啱的.

 

我就乖乖的飲清熱飲品.  陶媽預備了多款飲品, 清補涼, 夏枯草, 菊花茶, 各款汽水

 

五號屋又煲咗腐竹雞蛋糖水呀!  呢煲通常都好搶手

有小朋友要早走, 八點幾就切蛋糕....睇吓蛋糕幾有型, 陶陶好鍾意車架.  哈哈, 架車有的似陶爸架波子喎.   祝陶陶快高長大, 生日快樂.

 

我地食到七七八八, 又到工人姐姐happy hour時間.

 

五六個工人姐姐過嚟一齊燒烤, 佢地好happy架, 仲好大食添.   咁我地開心, 都比佢地開心吓啦.  

 

食完佢地全部一齊幫手清潔, 好快就攪掂.

今日六點開始, 到晚上十一點, 突然開始落雨, 要散band啦.   又一個開心的晚上