2014年3月31日 星期一

美味青梅炆豬手

March 28, 2014, Friday Night

今晚又要寫吓晚餐, 因為有美味的青梅炆豬手(食譜在此)

都好耐無整過啦, 嗰日忍唔著又買咗豬手.   諗著星期五晚炆, 食唔哂第二日下午整個豬手麵

睇吓, 真係超罪惡呀!

仲有荷蘭豆炒雞什

南北杏雪耳木瓜湯

兩個人, 兩餸一湯.  無飯夫婦, 夠哂啦.

本來諗著的豬手食唔哂留留一半明天豬手撈麵.   但的豬手睇落大大碟, 其實都只係十嚿八嚿.  我同型爸每人食三四嚿, 剩番一兩嚿唔留, 食埋佢啦.

咁肥膩, 真係久唔久食吓好啦.


2014年3月30日 星期日

板長壽司 - 粉嶺祥華

March 27, 2014, Thursday Night

又係星期四呀!   上星期去咗大埔超級城, 食餐飯唔覺意使咗幾萬文, 好彩使咗都覺得好值. 

呢個星期我同型爸都不斷有同天王溝通呀!  的力道度真係唔錯, 從來都未咁落力用張按摩椅, 真係要用呀, 因為唔知"新屎坑"會香幾耐加麻!!

今晚本來想响屋企煎牛扒焗薯菜就算啦.  但型爸又話放工返嚟咁辛苦唔好煮啦, 出去食啦.   哈哈, 其實都好想聽呢句, 呢排五號屋都真係有的懶, 有時星期六日都出去食.   不過有人咁體諒, 嘻嘻, 咁我就唔攞苦嚟辛啦.   其實又誘張咗的, 煮餐飯都唔係好辛苦啫.

咦! 板長消費多一次就過一千, 變咗會員就有10% discount, 咁即係無加一都抵吖.  呢排天氣開始轉熱, 唔想食中式炒小菜.  食日本野都係一個幾好選擇.  二公子就最開心啦.

雖然板長, 但要試吓第二間.   去了粉嶺祥華那間分店.  

不過去到就知有分別, 店子細好多, 完全唔使等位, 入去任坐.  再用手掌看菜單, 好多野都無,原條池魚沽清(都無客, 邊有可能), 無鹿兒島和牛(雖然無諗著叫), 無辣肥牛烏冬(湯麵類都只有三個選擇), 無伊佐木刺身...好多都無無無, 見到咁, 唯有盡量叫的特價野啦, 反面呢的就有呀. 

一客三文魚腩刺身

黑松露油甘魚腩壽司, 鯖魚壽司, 八爪魚壽司.  三個人, 每人一件

沙律吞拿魚及飛魚子軍腩

炙燒赤鮭壽司, 一口帆立貝壽司

仲有每人一件鵝肝壽司.

食到呢道, 我真係要投降, 已經八款, 即係八嚿壽司八嚿飯, 唔覺唔覺, 都可能多過一碗飯.  仲有芒果蟹子沙律同油甘魚餃未嚟, 我頂唔著啦.

但二公子同型爸仲未夠, 佢地仲要加單

 
芒果蟹子沙律嚟到, 但唔係咁好味, 的醬汁唔夠呀!  御八築地的好味好多.

型爸同二公再添食的都嚟啦, 二公子仲多叫了一客芥末鮑魚軍艦, 比佢一嚿就掉咗入口.

食多呢幾件, 佢地卒之話夠啦 (係啱啱好, 唔係太飽嗰種, 但我飲了點茶, 個胃重到不得了)

燒油甘魚腩最後先嚟, 型爸話ok, 但我食落就覺得無咩味啦.

今次除了鵝肝壽司, 全部都係魚魚魚.   今日叫的壽司, 單價都係平的, 但唔覺唔覺, 都食咗三百幾.   因為無叫貴價野, 上次同型爸兩人食了四佰幾, 今次三人食了唔使四百文.

哈哈, 呢道附近無野啱買, 唔會亂使錢呀!

不過下次再幫襯, 應該都唔會專誠嚟呢間分店啦.

2014年3月29日 星期六

新森林焗之專門店二

March 26, 2014, Wednesday

上星期先去過呢間新林林焗之專門店, 今日帶埋同事一齊去食呀!

去到要等位, 不過都係等兩張檯啫

因為呢間係焗之專門店, 今次我一定要試吓呢道嘅焗飯

 加HK$4有湯及牛角包.  今日又要試...有意外驚喜, 的湯夠濃

 
 牛角包竟然好鬆脆, 睇吓咬落的包無腍呀!

  
 同事要的粟米忌廉湯都幾好呀!

 佢無叫焗飯, 要了帶子牛扒, 牛扒幾大塊, 但帶子只得一粒.  HK$46

 
HK$46, 食物質素不太差, 抵食呢!

呢碟黑麻麻係咩, 係我要的黑胡椒芝士焗牛魔皇飯, 入面有牛脷, 牛腩加一大塊牛扒

 
 呢份係我的, HK$46 我都知我一定食唔哂.

  
 另一位同事沒有要湯, 他要的是芝士蕃茄焗大胃王飯, 入面有法蘭克福腸, 雞中翼, 豬扒, 豬柳漢堡.  他無要湯是對的, 因為這盒飯剛剛好.

 
我要了餐湯麵包, 食唔哂盒飯, 已經很盡力, 但個胃叫我不可以再吃了.


要了加啡, 即磨的, 唔錯.

咁嘅價錢, 真係想點呀!












2014年3月28日 星期五

鐵樹開花

March 26, 2014

鐵樹開花, 富貴榮華?  係咪真係咁好呀?

上星期一早上回到office, 無留意房內棵鐵樹, 但十點幾同事入來找我, 佢話...咦! 呢棵樹個粒係咩嚟架, 樹頂上還有一粒.  我行埋去睇吓啦.  嘩, 係棵鐵樹開花呀!

其實呢棵樹十年前都已經開過一次花, 估唔到, 要等到十年後先再開一次.  哈哈, 人地話鐵樹開花要參花掛紅, 我都隨俗, 掛封利是上去啦.

第一天見到時已經有3-4寸長

 
 樹頂那棵也一樣

生長得很快, 第二天長了1-2寸

再過一天, 花都出來了

再過一天又長了些

只是一個星期, 長了7-8寸, 嘩, 上面那棵快到頂上天花啦.

其實有一段時間無打理棵樹, 平時都係同事一星期澆一之水.  但我見佢非常瘦弱, 我加了營養粒, 一星期澆兩次水, 加上近日天氣轉熱, 現在開花.

星期一回到office

第八天, 的花又長了, 咦, 頂那棵彎了下來, 的葉有的枯.   啊! 不知是否星期六日沒有冷氣...馬上加些水

第九天, 的花又長了, 樹頂那棵又申直了.  很開心呢!

 最開心的是, 隔壁會計部那棵鐵樹也開花了, 呢棵買咗返嚟都唔夠一年, 就已經開花啦.

老闆, 希望係呢個係好肇頭啦.




2014年3月27日 星期四

土魷剁肉餅

March 25, 2014, Tuesday

哈哈, 今日又忍唔著講吓今晚的幾餸一湯. 因為有碟做得十分好味的餸


就係呢碟土魷蒸肉餅啦.   今次叫用了野豬肉, 自家手剁, 加了土魷, 十分惹味.  肉質有的彈性, 唔會好腍.  見到二公子用托匙羹大大口的吃, 好開心呢.


仲有芝士薯餅.  哈哈, 响屋企食都加芝士入薯餅, 係咪肥死人呢!

 二公子喜愛的麥樂雞.  呢的CP麥樂雞,二十幾文一包, 得十二件, 仲貴過全雞....諗吓係咪貴過麥當勞.  不過二公子食完後, 佢話CP出呢的麥樂雞, 無佳寶的好食的喎.   都係去佳寶平的.   其實呢的有咩好食, 如果唔係二公子要食, 我唔會買呢.

仲有西洋菜鯪魚球湯.


除咗個湯之外, 全部都係二公子鐘意食

雖然唔係咩野特別好餸, 但做阿媽, 見到個仔食得開心(其實佢都大個仔啦), 我好開心架.