2015年2月28日 星期六

素 - 椰香南乳栗子炆芋頭

February 19, 2015, Thursday, 大年初一

整好的脆皮年糕之後, 馬上就整的素菜.  奶奶年紀大, 咩都唔想理.  奶奶家那位工人姐姐做咗六年, 其實已經好叻, 但煮野食就真係唔啱我地口味, 呢兩三年, 都由我同二嬸母每人煮幾味素菜返去...哈哈, 盡力而為啦.

先整呢味椰香南乳栗子炆芋頭, 時間要耐的.

的栗子叫Cindy用水先烚腍再去殼, 咁樣可以縮知烹調嘅時間

芋頭切片

用油爆香(或兩面煎香)

加栗子

 南乳一大磚, 加水壓爛成蓉

加水多點水, 加蓋轉中小火炆大概20分鐘, 用南乳, 不需再加其他調味

芋頭炆腍後, 加椰奶, 一滾熄火.

 兜幾兜就得啦.   唔好睇仲有咁多汁, 一陣就會無哂架啦, 的芋頭好吸水架.

 食嗰時就的芋頭都成蓉啦.

幾好味架!
 

2015年2月27日 星期五

雞蛋脆皮年糕

February 19, 2015, 大年初一

新年係我嘅勞動節, 一起身食完早餐, 又要整糕啦....香噴噴的脆皮年糕.   的家人好比面, 佢地點名要食, 咁我就整啦.

又要整理吓的份量先:
材料: (每底份量)
雞蛋10隻
糖320g
椰奶一礶
糯米粉500g

又係一次整兩份

為免黐底, 落咗baking paper先

加糖, 將蛋打勻

加椰奶, 呢款椰漿幾好用喎.

再拌勻

呢個時候預熱焗爐, 180度, 我要一次過焗兩兩個, 要分上下層

跟著加入糯米粉, 以前第一次加粉都過篩, 都無用嘅, 唔使啦, 加哂的粉拌勻(係無法拌勻, 好多粉粒)

拌到目唔到白色粉先過歸

第一次過篩的粉漿好杰, 最好多一個人幫手, 不斷刮個篩,咁樣的粉粒先會溶

過完第一次已經無咩粉粒

過第二次就好滑啦.

第三次可直按落焗盤.

靚哂, 櫈吓佢等的空氣出嚟.

整好兩盤先入焗爐

180度焗1小時

去到大約25-30分鐘, 上層嗰個受熱好的升得唔錯, 我將佢放落下層反轉, 撕去baking paper繼續焗個底.

而下層嗰個就換去上習, 又係反轉撕去baking paper再焗個底, 呢段時間要小心睇火

上層先出焗....靚呀

下層焗耐小小再出爐, 都一樣靚呀!

因為上下層焗, 爐溫唔一樣, 焗出嚟都唔一樣, 不過味道都一樣咁好.

同往年一樣, 即日食一個, 剩低一個比佢地外賣拎返屋企呀!

其實呢款都係素, 但唔係齋.  奶奶初一食齋, 雞蛋都唔食, 所以要留起一份比佢初二先食呀!

2015年2月26日 星期四

素 - 五福臨門素菜卷

February 18, 2015, Wednesday, 年三十晚
 
辛勞咗一晚瞓得幾個鐘又要早起, 因為今日仲有好多野做呀!

大公子jet lag, 又係晨早起身, 咁我同佢撑檯腳食早餐, 整番個和牛漢堡比佢食, 我同型爸就食豬柳蛋漢堡...整番半杯咖啡, 精神哂.   咁耐無同個仔一齊食早餐....杯咖啡都好甜呀!

食完一早出去買料,  今日要包素鵝, 不過去到大埔樹間鋪, 佢地收爐, 買唔到佢地出品嘅腐皮...唔緊要啦,  去第二道買.

 
 的腐竹同樹記嗰的真係唔一樣架, 仲要自己修邊


不過都好easy啫.

kakakaka, 過年, 我比個靚的名呢味餸叫五福臨門素菜卷

點解叫五福臨門, 因為用咗五種種材料囉...(hehe, 的酒樓都係咁啦)...咦, 得四種...呀, 唔記得影西芹呀!

呢道就睇到啦, 有黑木耳絲, 紅蘿蔔絲, 西芹絲, 蓮藕絲, 同埋沙葛絲...五種顏色...有埋五行添呀!
呢的絲全部都係我刨, 我就犘打手, 點知配對烏龜腳Cindy, 慢吞吞, 唯有全部自己嚟.

的腐皮可以掃上調味料(老抽, 生抽, 麻油, 糖+水), 不過上咗色, 要煎嘅時候要小心, 比較易燶

將的配料炒炒炒炒再調味


我好認真呀, 每包落料80g

 
 包起24件, 件件都咁靚

  
一次過入蒸爐蒸哂佢(八分鐘)

蒸好待涼可以獨立包起佢, 一的明天攞起奶奶, 一的送比媽媽, 另外一的入冰櫃, 隨時攞出嚟解凍, 食時蒸或煎都得呀!

忙完一個下午, 今晚去奶奶屋企團年.