上星期五請咗半日假, 連埋星期六日去咗汕尾三天遊, 返到嚟係咁咳. 中咗招, 星期即刻睇醫生, 咳幾咳變氣管炎. 但工作太忙, 日日加班做到傻咗, 病假都唔請得, 大多野跟, 不可以假手他人, 死頂啦. 趕咗四日, 今日要請假啦, 因為應承了型爸, 陪他上佛山呀!
上星期汕尾, 今個星期佛山, 一早應承咗無諗到自己會病加麻, 點都要去啦. 都係飲飲食食, 當係輕鬆吓啦.
侍應小姐比個餐牌, 型爸話都唔使睇, 佢話十問九都係無呀!
型爸話呢款醬汁排骨套餐幾好味, 咁就叫呢份啦. 人仔45元
另外再叫咗一份白醬培根面, 即係白汁煙肉意粉,RMB35, 但份量好細, 型爸食咗兩啖, 就剩番咁多. 時間好快, 個幾鐘就到廣州東站.真係超多人, 個個都行得好急, 我地去到五號閘口轉乘廣州地鐵
廣州地鐵, 同香港一樣, 超多人
到咗千登湖, 型爸嘅朋友在那邊等我們
第一時間載我們去到呢間好靚好似酒店一樣嘅地方. 哈哈, 其實呢間係水療會嚟架, 在水一方, 裝修幾靚, 佢地亦有客房提供.
型爸的朋友知我地鍾意按摩, kakakaka, 第一時間輕鬆吓先啦.
睇吓呢碟係咩...係水律蛇嚟架
不過的蛇肉好韌, 咬呂到呀!
仲有呢鍋燒鴨羊腩煲
呢煲真係有的奇怪, 的燒鴨都只不過斬咗放上面, 佢地話比個部長搵笨
如果唔提, 間酒樓連蛇膽都攞埋. 又係要追先攞番出嚟, 佢地話個膽仲值錢過的蛇肉
主人家帶咗皮枝XO, 佢地每人飲的啦, 唔啱我啦.
型爸的朋友問我地想住酒店定係水療會, 我見水療會好靚, 就住水療會嘅商務客房
房間幾靚, 保安也很好, 坐電梯上來, 一家要有匙咭才可上來
住這裡仲可以去餐廳免費飲食
夜宵時間開始, 同食自助餐無咩分別呀!
天氣轉冷, 朋友開始sent的message嚟...佛山仲好似凍過香港呀!
