五號屋的部落: 9月 2016

2016年9月30日星期五

工人姐姐回來了

September 18, 2016, Sunday

Cindy足足放了四個星期假, 星期五晚上才回家. 星期五只係同佢傾吓謁, 問候吓佢, 叫佢好好休息.

星期六都只係吩咐吓佢狗狗轉糧問題, 跟著我同型爸去了按摩, 晚上又去了林老闆家食雞煲. 佢有Whatsapp 我問我晚上煮咩, 我就話雪櫃有菜有用, 有料煲湯, 佢自己決定啦....

到星期日佢無再問我煮的咩啦..咁梗係, 放完假都要識自動波做先得架..

第一時間, 我要教佢用個新的會講野電飯煲.

她回來後的第一煮.

煎雞翼, 的雞翼醃得唔夠味....但都係咁食.

檸檬蒸三文魚....又係無咩味的.

炒菜心

羅漢果紅蘿蔔菜乾豬骨湯

簡簡單單的三餸一湯, 只有我同型爸食, 好夠啦.

到佢洗碗, 就要教佢點清洗電飯煲, 萬能煲...今次絕不能馬虎....

2016年9月29日星期四

北海道白玉米

September 18, 2016, Sunday

我的鄰居八號屋剛去完日本旅行, 帶來了很特別的手信.

就是這三顆玉米. 外表看來平平無奇...

但一撕開外衣, 整個玉米都是白色, 每粒都圓圓潤潤.

八號屋女主人話呢款北海道白玉米可以生吃, 非常好味.

講到咁好味, 馬上用小刀切的出嚟食吓......

嘩嘩嘩, 真係有驚為天人嘅感覺呀, 非常甜, 咬落去似水果, 不似玉米.

都唔使諗啦, 咁靚嘅玉米唔好嘥, 用刀切出嚟, 比型爸同二公子試吓. 二公子對粟米一向無興趣, 但試咗一啖之後, 佢都話好甜, 再拎多的嚟食.

剩咗一的, 諗著買的鯪魚肉返嚟, 整粟米煎魚餅.

上網查吓, 的北海道粟米真係好正喎

✦北海道高級超甜粟米，非常有名的優秀品種
✦最佳熟成時期採收，絕對是甜蜜蜜的保證。
✦雪山雪水灌溉，真正香脆甘甜。
✦免煮!! 可直接食用，原汁原味呈現風靡全日本的香甜可口
✦甜度16度和18度！超過一般玉米的甜度！
✦有「刺身粟米」、「珍珠粟米」之稱
✦種植困難，「Pure White」每年的收成非常稀少而珍貴
✦粒粒飽滿，雪白如珍珠
✦新鮮爽甜，帶忌廉的味道

原來台灣嘉義都有種植, 佢地叫呢的做牛奶玉米或水果玉米

通過Intertek 252項農藥殘留檢測(非基因改良)。
超高甜度18度；遠高於一般甜玉米(約12度)。
超高甜度，色澤明亮、飽滿，又稱白珍珠水果牛奶玉米。
皮薄、多汁、口感鮮甜細緻，猶如嫩水梨般讓人讚不絕口且吃多不膩！
既是蔬菜，也是水果！生吃、沙拉、烹飪老少皆宜。

去過幾次北海道, 都無買嚟食添...下次去台灣, 都可以買嚟試吓.

咁正梗係唔好嘥, 的粟米外衣洗淨, 連粟米鬚, 栗米芯一齊用嚟煲湯

食到盡呀!

2016年9月28日星期三

與狗同行

September 18, 2016, Sunday

無行山個多月, 今日可以再次出動啦.

原本我地諗著今日行海邊, 南涌谷埔, 點知去到天后廟時原來入面封了路, 唔知有咩野鐵人賽. 今日天后廟停車空地都封埋, 原來慶祝九天玄女加黃大仙誕. 哈哈, 高興, 我們唔改道都唔得啦.

結果改行去直昇機坪, 再去尤德亭

組長諗著行海邊, 就帶埋兩隻狗狗嚟, 點知現在行大斜路, 又曬又無風, 行到兩隻狗狗索哂氣.

我隻右腳受傷到現在仍未復完, 行得比較慢. 而的狗狗好似好辛苦唔願行, 咁組長話不如拜託我同型爸帶的狗落山, 佢地繼續行去尤德亭.

先同的狗狗响涼亭抖抖, 再比的水仍地飲, 跟著慢慢同佢地落.

我地開車載的加加去陳鳳記. 兩隻狗狗跟著我地好乖呀! 我屋企兩隻寶貝咁長毛, 呢的天氣佢地頂唔著, 佢地要响屋企涼冷氣先至掂呀!

陳鳳記好好生意呀! 我地等咗一陣先有位, 九位都唔容易搵. 哈哈, 佢地真好彩, 搵到位唔到十分鍾佢地就到.

大家嚟個Brunch啦!

2016年9月27日星期二

荃灣一品雞煲 + 元朗勝利牛丸

September 17, 2016, Saturday

今天一早醒來, 型爸同我講, 媽咪, Cindy返咗嚟, 我地今日咩都唔好理走去按摩啦...哈哈, 唔止舉手, 舉腳贊成!

我地十一點幾出門, 下午五點幾由落馬洲返香港, 一出關口, 型爸就收到林老闆電話... 吓, 買咗雞煲...買咗牛丸, 今晚去佢屋企食....咁好啦...型爸開我屋企有咩...我話可以煮碟餸, 再加一包火鍋牛肉...應該夠食啦.

原來今日林老闆有事出去元朗, 跟著又去荃灣, 買咗兩樣野..

一品雞煲, 佢話好出名, 的人排隊食, 佢外賣返嚟

食完雞煲, 我地就加水食火鍋, 落咗好多牛丸落去

未落鍋前唔記得影, 林老闆話比個膠袋我影吓. 咁食落的牛丸又真係幾正, 好爽口呀! 要HK$145一斤

我就帶咗的梁九記買的美國安格斯肥牛片

再焯的菜...

仲有林家小姐剛去完台灣買回來的決滷水鴨翼

林太煮的冬筍炆豬肉

我煮的涼瓜牛肉.

今日只有我地兩對夫婦, 四個人食真係好夠

林老闆開咗枝新買的威士忌與型爸共享.

四個人, 食吓雞煲小菜, 都幾開心呀!

2016年9月26日星期一

追月

September 16, 2016, Friday

Cindy延了兩星期回來, 9月16日早機, 下午2:45分到港.    今天下午應該返到啦....

到我地傍晚6:45分出門口, 仲未見人, 型爸有點緊張, 佢話會唔會甩底又唔返呀!   我話無需緊張, 要返就返, 唔返都無辦法, 食完飯返嚟先算啦.

今晚返奶奶家, 好多人呀, 連大夾細二十人呀!   不過都未算齊人, 大公子在國外, 二公子要返工, 仲有一位姪仔又係要返工.

人多, 都係一貫駁長張飯檯, 唔係就坐唔落咁多.

燒肉, 雞, 齋, 豬手, 老少平安, 魚, 洋蔥豬扒, 粟米煎魚餅, 青瓜麻醬手撕雞, 我整的醉豬手, 醉鴨舌

好幾款餸都係大伯大伯娘返嚟整嘅

其中呢款黑椒鹽水雞翼仲可以做冷盤呀!

花旗參雞湯

奶奶叫工人姐姐炆的豬腳無人幫襯, 哈哈, 因為個個都食哂我的醉豬手, 唔肥唔膩, 食落去都只係的骨膠原.....多謝各位捧場. 姑奶話的發財豬手留番佢地明天再炆先再食啦.

食完晚飯就到生果餐

龍眼

楊桃, 沛, 蜜瓜

柚子, 桃

仲有姪婿整的甜品, 椰汁千層糕.

整得好好味呀!

數清楚, 共整了十三層呀! 非常好呀!

今日唔敢逗留太耐, 要返去睇吓兩隻寶貝, 昨天夜了返, 隻Whisky攪到地下的地毯, 狗床亂哂籠, 茶几角都咬爛.

到我地返到匡屋企, 兩隻狗狗好安靜, 嘆緊冷氣. 我由停車場望入廚房, 見到Counter 有包野, 唔...Cindy返咗嚟... 唔怪得之兩隻狗狗咁安靜啦.

型爸鬆一口氣, 哈哈, 佢怕Cindy未返, 佢要繼續做家務呀!