澳門兩天遊 - Day 1

October 22, 2016, Saturday

 早在兩個幾月前型爸已經同的朋友約定今個星期六日去澳門探朋友吃喝玩樂. Cindy 突然要返緬甸真係差的比佢攪亂我地的計劃, 最後重安排的間, 呢次澳門兩天遊先可以成行.

屋企無人睇著兩隻狗狗, 又要鍡佢地食野, 本來早上的船, 結果要改到下午

坐下午4:00的船, 去澳門氹仔

今次坐金光飛航, 坐位都算幾舒適, 但坐位前打開可放食物的架就非常不清潔

一小時就到, 跟著坐酒店shuttle, 去到巨星匯

唉, 呢的裝修, 真係頭都暈呀!

金碧輝煌, 哈哈, 呢的裝修應該好受國內同胞的歡迎

 

好彩入到房間唔係咁金金金,  清雅整潔夠寬敞, 好靚呀!

洗手間很大, 用趟門設計, 夠光猛, 睇落好舒服

 

望出去有高爾夫球場境

 

有生果送, 哈哈, 有五款, 但已經食咗個梨同蘋果

坐咗一陣要出發, 朋友已經定咗位, 接我們出去食飯

訂了凱旋門凱旋軒酒家, 本來有14位, 但型爸有兩三位同學未能成行,  今日只有11位.

訂了一圍, 好豐富

蛇羹

大閘蟹

蜜豆炒雙蚌

龍躉兩味, 炒球

蒸頭腩

蒜香燒雞

羊腩煲

雲腿上湯娃娃菜

仲有個糯米飯....太多了, 剩低太多食物, 要朋友打包回去.

呀! 仲有甜品燉雪梨....清清地幾好呀!

呢餐飯食咗兩三個鐘, 大家傾吓講吓又一晚

食完朋友送我們返酒店, 我地在酒店商場行吓,  有興趣嘅就去賭場行吓, 我無興趣嘅就先上房休息.

哈哈, 酒店送了馬卡龍及白朱古力...可惜, 我無咩興趣, 送給二公子的女朋友吧!

澳門都有Pokemon, 咁就梗係捉吓精靈啦.

麻辣雞煲火鍋

October 21, 2016, Friday

打風無出街, 屋企有咩野食? 哈哈, 一定唔會餓親.

雪櫃有隻冰鮮雞, 今日大派用場, 我要整辣雞煲呀! 

隻雞洗軌淨

斬大件

跟著用豉油糖醃一醃

薑蔥頭蒜就唔少得啦. 再要加幾隻指天椒


咁最緊要就係有麻辣醬啦, 方便好多架!

的雞落鑊煎前, 先上一上生粉

用雞油起鑊

將的雞每面煎香至金黃色, 盛起

跟著就爆香的薑蔥頭蒜辣椒, 再加的麻辣醬爆一爆

加的上湯煮成汁

再加的雞回鑊兜炒, 咁就可以轉落電鍋.   可惜無芹菜, 加的芹菜落去仲正呀!

二公子今日都要返工, 返到嚟知道有雞煲食好開心

食完雞煲, 我地就加水打邊烅

魚蛋豬肉丸牛栢頁都有呀!

仲有西生菜

 

八號風球下的雞煲火鍋晚餐, 都算唔錯啦.

 

今晚飲品, 夏枯草, 清清熱氣啦.

大醬撈麵

October 21, 2016, Friday

今日8號風球高掛, "海馬"襲港, 唔使返工呀!   不過屋企好多野做呀!  因為Cindy又同我請咗八天假返緬甸.  星期三晚出機場, 星期四早上七點就飛咗.  好彩佢星期四飛, 如果留到今天, 想飛都無得飛.

啱啱先返咗嚟個幾月又走, 我梗係唔想, 但佢話媽媽有病快要死了, 唔通唔比佢走咩, 我相信無人會用家人條命來講大話.  佢話要走, 唔想都即刻比佢走, 如果佢媽媽最後一面都見唔到, 我都會好唔安樂.

無工人, 咁今日三餐都係我煮啦.

早餐就蒸點心, 同型爸在家飲茶食點心.   午餐就摷吓廚櫃睇吓整咩野食.

咦, 仲有呢的韓國大醬撈麵, 就煮嚟食啦.

唔識韓文, 都係看圖估估吓啦.

水滾將的麵同的乾藐菜一齊放落去煮

我加咗的麻辣腸

撈起的麵唔要的水

再將味粉撈麵....咁就係韓國大醬撈麵

雪櫃仲有的牛脷, 煮的汁食埋佢

今日飲品, 玻枯草呀!

睇的新聞報道, 8號風球都應該掛到下午, 今天肯定全天唔使返工啦!