Olive Cafe

November 24 2016, Thursday night

一田大減價今天開始, 放工後, 諗著同型爸開車去大埔超級城食晚飯, 再睇吓一田超市有咩野好買.

去到大約七點半, 超級城所有停車埸都大排長龍, 結果我地兜嚟兜去, 泊咗去昌運中心, 諗著食完飯先算, 到時泊到位就買, 泊唔到位就慳番唔買.

周圍搵睇吓有咩好食, 見到有間西餐廳, 咁就入去試吓.

 呢間餐廳叫Olive Cafe

 Set dinner 由 HK$138 - 228, 另外 A la Cart menu 都係百幾文一個main course.

我們要了一set西冷牛扒晚餐, 另外要了一個黑松露什菌pissa.  加HK$28多一客餐湯及飲品

 麵包配香草牛油, 仲有黑醋

 型爸要了餐湯

 我要了什菜沙律

 黑松露什菌pizza.   味道唔錯, 如果個底脆的就更好

 西冷牛扒, 的汁嘅味道唔得, 仲蓋過哂的似味

 埋單HK$323.

食完已經差不多九點, 咁去攞車再兜去睇吓泊唔泊到入大埔超級城...哈, 又有位喎.

不過泊到車都唔係好開心, 揀野買就好快, 但排隊等比錢要45分鐘, 的買野熱情打哂節扣.

又要大破慳囊.

第二輪晚餐

November 23, 2016 Wednesday

今晚組長夫人約咗我同型爸去佢屋企燒烤, 同佢的朋友一齊, 預祝佢生日快樂.  不過要晚上九點
半成十點先開始.

我地一向七點幾使食飯, 要捱到成十點, 真係頂唔著.   咁就唔使諗, 在家食完晚飯打咗底先啦,

 九點半, 帶備的黑水欖及兩包黑毛豬火腿過去

今早落雨, 天氣轉涼, 唔燒烤啦, 改為蒸鍋及打邊爐, 咁仲好啦. 我仲未病好, 聲帶咳傷了仲未復原.

 組長買了大量海鮮及靚牛肉, 有象拔蚌

 City super 靚牛肉

 醃仔蟹

大海蝦
 

 花蛤
另一個爐就用嚟烚吓烚吓

 組長夫人的朋友好傾得又飲得, 大家都好開心呀!

食完晚餐已經凌晨十二點幾, 哈哈, 過咗十二點即係正日生啦.

 呢個時候就切蛋糕

跟著就用呢套靚荐貝用來沖茶.....

凌晨一點幾, 我頂唔著, 要撤退啦, 我同型爸先走, 佢地繼續玩啦.

大富豪飯店 2

November 21, 2016, Monday

上次去完大富豪飯店, 覺得的野食都ok, 咁今日又去幫襯啦....

唉, 去第二次啫, 的感覺就唔同哂.

慢魔魔同麻煩鬼要了蒸肉餅飯, HK$48


我一見的肉餅, 已經覺得唔得....的肉好似肉醬咁.

我要了豬扒帶子意粉配 咖哩汁

但味道偏鹹, 部份意粉食落"有骨"

HK$48一份餐, 價錢算是便宜, 但味道不合口胃, 可能有排都唔會幫襯著呢!

谷埔鳳坑烏蛟騰

Nov 20, 2016, Sunday

病了在家足足三天, 都未完全康復, 整個人呆呆吽吽.  趁著今天跟組員一起去行山.   得到大家遷就, 又來分段行山法, 想行多的就行多的, 行少的嘅就行少的.   今天人齊, 九人齊出動.

我們先到觀音廟拜神, 跟著就在鹿頸泊車, 開始行入鳳坑

咦, 做咩咁熱鬧呀!

原來今日有function, 善德遠呎百萬行

哈哈, 我地唔蝕底, 女子組响個起點影張相先.

唔使一小時已經到了谷埔

宋伯士多好好生意呀!

我跟型爸 組長夫人及另一組員行短程, 留在宋伯士多飲杯奶茶食串燒賣.  另外5位就直接行去烏蛟騰.

我地休息了30分鍾, 回程時百萬行的大軍先到.

佢地大部份人都係著著呢件紫紅色T-shirt.

我地行去攞車, 跟著開去烏蛟騰接埋其他組員.

大家跟著去粉嶺新明苑飲茶.

病了幾天, 出嚟行吓都開心的.

菜心黃花魚粥

November 18, 2016, Friday

吃了一整天藥竟然一點好轉都沒有, 昨晚咳到胸腹抽筋, 整晚睡不安眠.   今天再去看醫生, 換一換藥, 咁樣真係攪唔掂.

唉, 明年都係唔好打流感針, 雖然醫生都話未必係打流感針的反應, 但連續三年都係打完流感針就病到大大鑊, 唔打好過打啦.

今日就好的, 我出門口去睇醫生, 就叫Cindy煲定粥, 咁我返到去就有得食.

叫佢用魚湯煲個粥底

蒸咗的黃花魚拆肉

菜心烚好切粒

魚肉同菜食時先放入粥裡, 的魚肉就唔會嚡, 菜亦不會變黃.


食時加的大頭菜

病到無哂胃口, 好彩有呢的美味的菜心黃花魚粥咋.  

呢款粥, 我又食足三餐.

麥皮魚腩粥

November 17, 2016, Thursday

天氣開始轉涼, 咁我就去打定流感針啦....本來我只是有少少喉嚨唔舒服, 點知打完流感針...

就由輕症成重症, 病到工都返唔到.

咁啱今日係Cindy假期, 咁都唔可以因為我病叫佢唔好放假.  型爸話有佢照顧我, 佢唔識煮, 但佢識買比我食.

結果佢去上水街市粥檔買咗一盒炒米粉, 一盒炒麵

兩碗魚片碎牛粥.   的粥都ok呀!

的炒麵就好硬, 的炒米粉好似鋼線咁.  的炒麵都勉強食兩啖, 的炒米粉就真係一啖都食唔落, 費究食完胃痛.

我都有先目之明, 叫型爸出去買粥麵時, 順便去買個魚腩返嚟, 晚餐無理由仲要食呢的炒麵架.

我一個人病, 唔需要佢兩仔爺陪我, 我煲個麥皮魚腩粥, 佢兩仔爺自己出去食啦.

用咗大半碗麥皮, 加三大湯匙原粒麥皮

用個小鍋煲大約半小時


魚腩洗淨用少許鹽擦勻, 順骨切成一條條

的麥皮煲成粥, 加幾件魚腩滾熟就食得.

食了藥, 個胃好唔舒服, 隔兩三個小時又再食的野,  呢煲粥陪咗我成日.

 的魚好鮮味, 食咗幾餐都未厭.