February 15, 2017, Sunday
行程的第二天, 一早又要起床.
七點落去食早餐, 好多選擇, 唔錯.
不過我喉嚨唔舒服, 又咳, 都唔係好想食.
見到有蜜糖, 攞咗兩樽, 一陣買兩個青檸, 整的青檸蜜糖飲吓.
鄰居安排咗one day tour, 早上八點鐘有車來接我地.
今日天色灰濛濛, 希望唔好落雨啦.
原來導遊小組想一早帶我地去食越南粉做早餐, 就係我地昨天去食的和粉. 但我地已經在酒店食了早餐. 導遊小組話佢會買的越南包比我地, 等我地隨時想食都得.
呢間鋪頭我地昨天已經嚟過, 呢的札肉, 我地最後一天會返嚟買的札肉返香港.
呢, 就係中間嗰的法包, 加入肉菜酸瓜, 都幾好味架.
跟著坐車繼續行程.
坐咗差不多一小時車, 我地去咗仄口2飼養蟋蟀的農莊
參觀完仲有得食.... 咁大個女都未食過呀
蟋蟀春卷....人一世物一世, 點都要試吓啦. 導遊小姐話的蟋蟀好乾淨, 以蔬菜為食糧, 炸之前所有內臟已經去掉, 叫我地試吓. 共實食落去又無咩野, 仲之唔好諗唔好睇著就ok. 有朝一日糧食短缺, 可能我地都要食蜫蟲.
導遊小組教我地點樣分別雌雄, 雌性尾部中間多一條針, 用來產卵的.
跟著去下一個點
途經一個橡膠樹林, 導遊小組話現在橡腸園好多已經荒廢, 因為的橡膠已經搵唔到錢.
跟著下一站帶我地參觀整米紙的鄉村
一入去, 兩掛有竹棚, 一塊塊米紙就鋪在上面
呢的村都仲係好落後, 仲係用可磨米,再整成米糊做米紙. 佢地用稻穀嚟燒代替木, 燒成炭之後就用來做肥料, 好環保呀.
我地見到的米紙咁樣曬有的唔衛生, 無買呀! 淨係買咗呢包米餅, 咁炸起就唔怕啦.
跟著下一站去參觀戰爭紀念館
記起仲有個越南包, 食埋佢先. 唔使拎著去參觀
以上全部都係真的實物
跟著就去樹林那邊實地睇落時的隧道及戰壕
呢個係一個擴大咗的隧道, 叫我地行入去慼受一吓
那裡的地質很硬, 當時一個炸彈, 整個地就變成水塘咁深
複製的陷阱
導遊小姐比我地睇以前的游擊隊, 每人身上都揹著一條米袋, 每人帶著自己的米糧
那些鞋頭尾難分,令敵人不能根據鞋印找尋方向.
以前的越南人, 常以呢的木薯充饑
參觀完畢, 導遊小姐帶我地食午餐
哈哈, 呢餐味道非常一般
跟著我地坐船(大約要一小時)回胡志明市. 呢個時侯落大雨, 好大風, 有的凍呀!
返到酒店, 我地坐一陣又出去行吓
行一陣又去飲咖啡
飲下午茶都成百萬呀!
跟著行後去酒店, 呢間就係Sofitel.
我地晚上七點, 先出去食晚飯...今日食法國私房菜
鄰居以前嚟過, 今次就帶我地嚟.
呢間好似係法國廚師間屋, 我地要上三樓, 上面只有幾張檯
今日餐牌
我地開了一枝白酒, 一枝紅酒
非常豐富
呢餐食咗七百幾萬呀.....大約HK$2,540.
食完我地返酒店休息, 大家都好攰呀!
