新斗記 - 油麻地長樂街

September 21, 2013, Saturday Night

今日食完晏出去買餸, 唔知攪咩鬼, 個胃就開始唔舒服, 的天氣又翳, 快的番屋企休息一吓. 一陣又要出去.

型爸今日好開心, 他的同學從澳門過來(平時我地去澳門都一定打攪佢), 一吹哨子約了幾位舊同聚會, 有兩位多年都未見, 很難得. 大家都帶了家人, 可以認識一下.

食飯地點在油麻地, 我地把車泊在油麻地政府位合處. 一落停車埸, 有兩台唱歌檔口...救命, 兩檔唱唔同嘅歌, 嘈得好緊要, 响樓上住嘅點算. 我地要快步行過, 聲音實在好吵耳.

沿路行出嚟, 有多檔幫人睇相, 唔知係咪剛開檔, 呢邊好清靜.

廟街起咗呢個牌坊之後, 我都好似未行過, 真係N咁多年啦.

去到長樂街, 見到有個廚窗...Hotel Madera, 以前係咪叫大華酒店呢? 而家叫木的地酒店.

對面就係新斗記, 好多人喺門口排隊, 好彩我地訂咗位, 由隔離商場上二樓, 訂了一個房間.  我地無遲到, 但大部份人都早到, 型爸呢班同學真準時呢!

去到已經嚟咗一碟小食, 好似係白焯豬肚, 有芽菜墊底.  我無食, 唔知好唔好味.

鹽水炸豆腐, 吃了一嚿, 好鹹!

乳豬來了, 我吃了一片皮, 型爸吃了皮連肉, 佢話都係好鹹.


最後連個豬頭都斬開, 有人喜歡吃呢!

酥炸鯪魚球, 好鹹!


兩碟蒸魚云.

啫啫生菜煲, 已經係加大, 個煲好大, 但的菜都好少

燒鵝一隻, 麻麻, 又係偏鹹

再來一個啫啫芥蘭煲, 今次叫例牌, 嚟到真係得咁少咋 (未夾過架)

加大了的生炒排骨, 呢碟ok, 一的都唔鹹啦.

型爸叫了兩鍋拆肉泥鯭粥, 呢道好出名, 但粥底真係麻麻 (五號屋即刻想自己返去煲呀!)

我地共有17個人, 兩鍋唔夠分, 再加多一鍋.


叫了兩碟豉油皇炒麵.

唔知係我個胃唔舒服定係我無胃口, 全部都只係吃了一兩口, 覺得全部餸都係麻麻.  不過佢地老同學相聚, 大家傾得好開, 食咩都無所謂.

最難得其中一位同學的太太, 把他們中學的畢業相scan了放在手機裡, 再whatsapp比大家, 哈哈, 要在相中尋人, 不容易呢! 我提議佢地响facebook建立個群組, 睇吓可唔可以搵番多的同學呢!

其中一個同學移民美國多年, 遲兩個月會回來, 到時再試吓相約, 睇吓有無機會再多約十多二十個同學, 如果可以約到, 真的很難得呢!