老北京 - 寶勒巷

May 23, 2017, Tuesday

好耐無去老北京食午飯, 今日同兩位飯腳講開, 大家都話去試吓.   去到萬士昌大廈, 以前的食肆間間都執哂, 仲剩呢間.

原來任點任食改咗做客飯餐, 沙及前菜甜品就自肋任取, 都係HK$55一位.

今日係粉葛湯

前菜係青瓜用蓬藕片

甜品係類似五豆粥,  哈哈, 總之好多豆, 但又唔係渣咋.

青瓜蓮藕片自取

我地分別要了三款小菜

蝦仁炒蛋

糖醋魚塊

椒鹽豬扒

樣樣餸都熱辣辣, ok喎!

HK$55一位, 價錢合理, 要幫襯多的先得啦....如果唔支持吓, 可能又會消失, 到時又少一午飯選擇.

原之味晚餐

May 22, 2017, Monday

型爸的老外朋友從美國來了, 約了今晚食飯.  平時都同佢去食泰菜, 型爸今次唔食泰菜, 去原之味啦.

我地訂了七點, 去到都唔係好多客人

七點前happy hour, 啤酒買一送一, HK$48

今日坐得好唔舒服, 咁多蚊嘅, 同的經理講, 佢地話唔好意思, 外面係公園的蚊走入嚟, 會盡量開大的冷氣

要了吞拿魚沙律, HK$168

要了一客手捲, 用了個超迷係雪糕筒, 兩件係吞拿魚, 兩件海膽, HK$128....唔記得影相

本來要送酒的蓮藕片, 點知話無, 就要了雞泡魚乾HK$98....送到嚟只有5條...暈...

要了三文魚他他, 那些脆片只有四塊....暈...另外加一客, 我地食完都未送到... 最後那脆片要HK加$20.

芒果汁三文魚壽司, HK$188

青瓜墨魚天婦羅卷, HK$198

蒜片牛肉, HK$188

海膽藜麥意粉, HK$198, 唔記得影

鐵板鰻魚炒飯, HK$220, 但又唔係鐵板上

呢餐食咗HK$1,835.   唔好講貴唔貴, 只係講佢個menu選擇唔多, 大部份都係吞拿魚同海膽.    老外對蟹肉敏感, 有蟹肉或蟹子都唔可以叫.   主菜只有四五種, 叫時真係有的難度.

 最難頂係的蚊, 真係估唔到去餐廳食飯比的蚊咬到我手又係腳又係.

那位經理話唔好意思, 星期六會叫人來滅蟲.  

希望我下次嚟時唔會再有同樣情況出現啦.  仲有, 少人來還可以, 多的人個menu真係唔掂.

蒸鍋打邊爐

May 22, 2017, Sunday

組長好客, 今日又約我同型爸一起火鍋晚餐.

行完山返到屋企都一點幾, 梳洗完都只可以休息一陣, 大家約了四點鐘出去買野.  我就由得兩位男士發辦, 我就自己去買下一星期的餸.

突然間好想食三文魚籽包飯.....返到家馬上將三文魚籽解凍

到晚上七時, 的三文魚籽90%已經解凍, 只係仲有部份白色...己經可以食啦.

家居常備的國紫菜

加的熱飯, 加的魚籽....一口包飯.....好正呀!    原來組長佢地未試過咁食.  哈哈, 我就最鍾意包包包, 包著嚟食最好味道


今日組長又出咗個新鍋, 又可以蒸, 下面嗰個仲係鴛鴦鍋


組長買咗一大堆海鮮, 我地就買了牛肉, 牛丸, 肉丸.  先來海解蒸鍋, 跟著就火鍋打邊爐.

帶了兩瓶紅酒過去, 大家傾吓講吓, 一個愉快的晚上.

鹿頸鳳坑谷埔

May 22, 2017, Sunday

上星期母親節, 行山組大部份組員都請假(包括我在內), 只有組長同佢夫人拍著拖去行.

今日天色唔好, 天文台預告會落雨, 但都無阻我地去親親大自然

一行六人由鹿頸出發, 諗著行到谷埔松記士多, 食海鮮呀!

行到去時間尚早, 去到松記都未夠十一點.    見到松記老闆楊先生, 叫佢留定的海鮮, 我地就兜多一個圈再返嚟.   行去蘭桂騰芳, 由小路再行入去嗰條荒廢咗嘅村, 再出返到宋伯士多, 行回松記.

再返到松記士多, 都只係十一點幾. 

大家坐低先啤一啤,今日無哂的德國啤油,只要呢款荷蘭啤, Hoegarden

都有外藉人士嚟幫襯呀!

要了煎蠔餅

蒸蜆

薑汁芥蘭

醬鴨

呢道嘅鴨整得好好味, 嗰位阿姐叫我地先食一嚿, 第二嚿先點個汁, 可以品嚐兩種味道.

豉油皇粉麵加辣

蒸花蟹.  估唔到蟹仔細細, 肉質鮮甜又爽, 好味!

仲蒸咗條海鱲....好鮮味呀!

豐富的海鮮午餐.

食完慢慢行返出去鹿頸坐組長的車回家.....

又過了一個開心的早上.

口水雞

May 20, 2017, Saturday

出去食飯, 成日都叫口水雞, 但講口味, 都係自家整嘅啱口胃一的.

整口水雞, 最重要係個汁, 個汁好味, 咁就即係好味.

薑, 蔥, 蒜, 乾蔥頭, 辣椒, 全部切粒

調味就有花椒油, 辣椒油, 麻油, 花椒粉, 辣椒粉, 生抽, 老抽, 糖.

先落花椒油, 麻油及辣椒油, 用嚟爆香的薑乾蔥蒜粒. 跟著轉很小很小的火, 加入生抽老抽, 花椒粉, 辣椒粉, 少許糖.  跟著試味, 喜歡邊樣味道濃的就加那種味.

今次我刻意用少咗油.   最後加蔥拌兩拌就熄火.

隻雞就先用鹽紹酒內外擦勻, 醃30分鐘.  蒸熟後拆骨斬件

跟著將的醬汁加上去

再灑的花生碎.


唔好以為無汁呀, 落咗底啫.  今次落少咗油, 感覺好的呀!

今餐仲有緬甸青瓜秋刀魚沙律

炒通菜

仲有個海星豬展雞骨湯.  隻雞拆咗的骨就係用嚟煲呢個湯

三餸一湯, 好滿呎呀!

睇吓食到幾乾淨

食完飯抖咗個半鐘又要去組長屋企, 仍整咗雞燉翅, 叫我地去食呀!   真係好好味, 飲咗兩碗, 不過無影相...哈哈, 唔係幾好意思麻.

我就整咗10個蛋撻, 加一整緬甸青瓜秋刀魚沙律做拌手禮

食吓生果

紅酒送蛋撻, 正呀!