朝陽飯莊

May 17, 2017, Wednesday night

今日同幾位老友鬼鬼聚會呀!

每次聚會, 佢地都要我決定去邊道食.  當大家定咗食晚飯日子後, 我一的idea去邊道食都無, 突然收到Groupon 發過嚟的email,  朝陽飯莊飯莊有個填鴨餐做promotion, 見到好抵食喎, 即刻聯絡佢地, 睇吓有無異議, 大家都ok, 咁就訂啦.

四人餐, 只係HK$588, 雖然仲要加一及茶芥, 但都唔會超過一千文, 我地五個人食, 就算要加多一兩個餸, 都一家抵食.

馬上付款, 到時帶呢張coupon 去就得啦.

去到Isquare上27樓, 上面只有兩間食肆, 出電梯轉右就到.

呢道27樓高層有海景呀!

我最準時到, 睇吓其他餐牌, 每人平均消費都要三四百文, 我地呢個餐真係幾抵

一隻填鴨HK$350 又唔貴喎.

四人餐我地五個人食, 加HK$78, 改填鴨兩食, 即多了一客鴨鬆生菜包.

個套餐有:

二選一菜式, 我地唔要腰果炒蝦仁, 要了豆酥桂魚.   廚師好刀功, 的桂魚片成一片片的魚肉, 一的骨都無.

又係二選一菜式, 我們不要羊肉生煎包, 要了北京炒拉麵

 

 砂鍋雲吞雞

呢的係北京填鴨的配料

粉皮有12件

的填鴨好好味呀, 仲片得好好, 皮肉均勻.

有四個义子燒餅, 都係夾填鴨嚟食架.

個鴨鬆生菜包都幾好味.

仲有甜品桂花糕

每一個都不同形狀, 我鍾意心形呀!

當晚所見, 差不多檯檯都係食類似的菜式, 講真如果唔係做promotion, 可能無咁多檯客添.

最好笑係我地隔離有一檯, 又係食呢個套餐, 又係五位女士食四人餐, 我地加了一客鴨鬆生菜包, 全部餸連填鴨都食哂.   但佢地竟然要打包兩盒, 係咪咁細食呀!

埋單連加的那碟餸, 加一及茶芥, 都只係HK$220, 要付現金.

加埋個套餐HK$588, 總數都只係HK$808.  每位只係HK$162.  但我地四請一(剛從加拿大回來的那位, 當然要請佢食啦), 我收佢地HK$200一位, 咁嘅價錢, 咁好的地方, 真係超抵食呀!