西貢海下灣- 灣仔營地-黃石碼頭

January 14, 2018, Sunday

我同型爸差不多有一個半月無行山啦.  自從由泰國回來, 唔係佢病就係我病, 根著天氣又唔好.  今日就咩都ok啦, 天氣清涼, 又有少少太陽, 最啱係行山呀!

我天行新路線呀!  係由組長的好友司機提供的, 由海下灣行去灣仔營地, 跟著我地可以坐船去黃可碼頭. 佢大約兩小時. 

不過都有的轉接, 我地開兩部車泊到去西貢仁義路, 再坐的士到起點.

呢就係呢道啦, 海下灣海岸公園

仲有介紹呢道嘅生態環境...

吓...去到灣仔營地只需45分鐘, 咁咪仲短過我地行大埔林徑紅路? 哈哈, 的士司機比流料...咁我地又無所謂, 行邊都可以.

咁呢道風景都靚嘅

我都都唔記得呢個係咩海洋公園, 呢道應該係係後門, 所以無標誌

某段路行出去見到好靚嘅景

路程好短, 只需45分鐘, 好快就到灣仔營地

咦, 中間有隻黑色係咩...哦, 原來係隻牛牛, 哈哈, 牛牛都嚟露營!  呢區出現的牛牛, 身體, 毛色都比我地喎車涌見到嘅乾淨同靚好多.

呢道係西貢灣仔營地擴展區

真係好多人嚟露營喎, 哈哈, 天寒地凍, 我都係鐘意屋企暖笠笠個被窩.

呢道又真係有好嘅設施, 咁大個洗手間, 仲可以沖涼添.

因為行程短, 我地行山組有兩個意見, 一係行回去起點, 跟著再坐車去西貢墟飲茶.  另一個係由呢道坐船去黃石碼頭, 再轉巴士去西貢墟.

咁有兩個意見, 我地就索性兵分兩路, 大部份組員人行回頭路, 我同型爸就坐船

呢道有的街渡, 收費比專營船貴的, 大約HK$20-25 (睇幾多人). 

 
 不過我地無坐街渡, 等翠華隻船.

只需要HK$15, 航程先經赤徑, 再到黃可碼頭, 大約25分鐘.

跟著去坐94號巴士

坐到總站前一個站, 西貢警署落車...有廿幾個站, 大約半小時就到

我地都唔識路, 有GPS就得, 落巴士就搵觀迫廟

約咗佢地响呢道飲茶.  我地早到先搵位, 呢間酒家有4 層, 上四樓有大檯呀!

今日邀請埋組長朋友的士大哥一家四口, 十三位又嚟狂叫

哈哈, 叫咗三十幾碟, 比2.5嘅原則多咗的啦.   佢地話個大包好味...真係好大個呀!

食完的士大哥開車送我地行山組司機去仁義路攞車, 跟著再嚟接番我地.

又過咗一個開心的早上.