美華上海菜館

April 14, 2019, Sunday morning

平時星期日去行山, 但組長出咗trip, 天氣又不穩定, 咁我地齊齊請假偷懶.

共中一對夫婦, 約我地去九龍城食早餐呀!

呢, 就係呢間美華上海菜館

餐牌放响門口

佢地就係帶我地嚟食粢飯....

呢款係甜粢飯

呢款係鹹粢飯.   睇吓入面有幾多肉鬆, 的油條仲係脆架.

我地每人要了一碗豆漿, 兩位女士都唔要甜的.

型爸好開胃要了小籠包

鍋貼, 入面有肉汁架

仲有兩客薄的蔥油餅....

最後仲要多一客油豆腐粉絲...

好彩全部都係share, 每人食少少

早餐四個人食咗HK$270   (應該係HK$210, 因為包咗三件粢飯返去比仔女食)

我地嚟時大把位, 坐落一陣已經滿坐, 走時仲要排隊呀!

Lost Stars

April 12, 2019  Friday

今日型爸話要約我地去試新餐廳呀!

呢間餐廳叫Lost Stars (哈哈, 唔皆忌諱咩....無星喎!)

响大角咀 Square Mile..... N 咁多年未去過大角咀, 好多舊夏重建, 多咗好多新建築物.

餐廳有live band, 不過唔知係的音響唔得定係那位小姐要改善吓的唱法, 隻隻歌都聽唔到佢唱咩, (但明明係廣東歌.....)

個場都幾大, 應該開咗唔係好耐.    菜單選擇唔係太多

我地三個人叫咗三份Appetizer, 一份兩人主食

呢款熱芝士用麵包醮嚟食, 對於我地一家都係芝士控, 覺得非常好味

呢個係用麥西哥栗片做的pizza, 上面有牛油果, salsa 醬, 再加上芝士, 好味喎.

呢個黑松露薯條都幾好味...不過好熱氣. 

呢客羊架係二 至三人份,  送到嚟要等一等

個侍應拎個蓋嚟, 用火點著咗放在鋁杯上的Rosemary

跟著焗仍十分鐘, 佢地話等的香味入落的肉到.   但打開我只聞到陣焦味...哈哈, 真係唔覺香喏.

羊架的肉尚算嫩, 佢兩仔爺鍾意五成, 我就覺得生咗的.

二公子話的薯氣好食, 不如叫多客豚油薯條(吓, 即係豬油薯條).   點知叫嗰時又話改咗餐牌, 無豚油, 改成鴨油薯條, 型爸都話要. 

放到嚟我無食呀, 太熱氣我脷都已經痛緊.    二公子話不試也吧, 之前嗰客黑松露薯條好食好多.

型爸要咗杯啤酒, 我同二公子只係飲水, 埋單一千二百幾.

呢間餐廳泊車有的麻煩, 如果要泊車優惠要泊去唔知咩野"華庭", 外面街邊泊位就已經比人用鐵柱圍起霸佔, 我地問係咪食飯可以泊, 的人就話佢地咩野借用的地  (哈哈, 馬路嚟架),   咁我地梗係唔泊啦, 行多兩步泊去今車場啦.

食生蠔

March 31, 2019, Sunday

平時訂位食生蠔, 都係去餐廳食, 但今日有的特別, 我地去香港蠔業淨化場食.

呢間蠔業淨化場平時不會開放, 亦不是餐廳. 只是間中招待學生, 介紹這個行業.  我地今次可以嚟, 都係因為組長識得呢道主持人.   今日到嚟, 都係以私人招待形式.

呢道仲有個lab

呢個淨化場地方唔係好大, 只係有十幾個淨化缸

入面的蠔由褔建蠔場運送過嚟, 只有一款蠔, Pacific Rock.    呢道唔係養蠔場, 係淨化場.   的蠔運到嚟, 淨化好先賣出去.   呢道賣得出去就

呢個係水池, 睇落唔大, 但地底嘅水缸就好大.  呢道嘅水係由地下150尺抽水, 水質經過化驗.

主人家叫咗個伙記返嚟幫手開蠔

我地十一個人, 每人食咗七至八隻(係咁食都唔係好記得食咗幾多隻)

哈哈,  我地自備白葡萄酒, 酒杯同酒都係我帶去的

仲整埋芝士火腿....  哈哈, 係咪好句人呢!

食完蠔, 近迎地去流浮山食海鮮.

第一次嚟呢間歡樂海鮮酒家

我地响蠔場買咗三盒加拿大海膽.   加拿大海膽睇落肥美, 但食落唔夠鮮甜.

用紫菜包嚟食都好味嘅.

我帶了兩枝白葡萄酒, 係蠔場已經飲哂.   另一位鄰居帶了兩枝紅酒, 其中一枝係好野, 2002 Laftte, Grand Cru Classe (五大酒莊之一).   要八百幾文一枝.    林老闆就帶咗枝Whisky.

食蠔都已經食到飽咗.   唔係叫咗好多海鮮

白灼東風螺

蒜蓉開邊蒸花竹蝦

林老闆話咁大隻花竹蝦咁整嘥咗.    隻隻又真係幾大, 長過隻八寸碟

象拔蚌

瀨尿蝦

生炒排骨

鹽焗奄仔

另外叫多兩碟菜.

食蠔好平, 但呢餐海鮮就好貴, 要六千五百文....哈哈, 當晚見到佢地無咩生意, 唔知係咪咁劏到我地一頸血.