香烤黑炭芝士蛋糕

 Sep 6, 2020, Sunday

今日又整香烤芝士蛋糕.

材料實在太簡單, 真係忍唔著成日都整.  Cream Cheese 250g, 雞蛋兩隻, 糖(我用木糖醇) 40g, 低筋麵粉20g

仲有Cream 110g, 檸檬汁少許, vanilla extra 一荼匙

Cream Cheese 室溫放軟, 加糖打勻, 加雞蛋打勻

加cream, 加檸檬汁, vanilla extract....打到滑一滑

將粉漿倒入airfryer 焗盤

平時180度焗30分鐘, 今日發雞盲用咗200度嚟焗...

哼哼哼, 黑炭面芝士蛋糕出爐.... 咁都係要待涼入雪櫃

第二日拎出嚟食, 都諗著要放棄黑炭面架啦.....點知無人肯放棄, 黑炭面都食埋...

因為個芝士蛋糕實在太好味.

瑤柱蝦米XO醬

 Sep 6, 2020, Sunday

上次整了蝦米XO, 覺得好好味, 整咗 1.5瓶, 食咩都落的, 好快就食哂.  今日整過.

名貴少少 今次加江瑤柱, 先用熱水浸開, 再蒸一小時

一飯碗蒜頭

一大湯碗乾蔥頭, 打碎睇落好似無幾多

一碗蝦米 (買最細隻的), 浸軟, 瑤柱撕碎

將一半蝦米打成蝦鬆, 另一半唔打碎, 等食時食的蝦米粒

先用油爆炒乾花蒜蓉

炒至乾一點

跟著加入蝦鬆    

再加入蝦米柱

炒炒炒炒, 炒到乾身

再加了四湯匙辣椒粉, 呢的辣椒粉都係自己整架 (辣椒乾了再打成粉)

跟著再炒炒炒, 到炒到咁上下 加油至滾, 咁就熄火

跟著入瓶.  的油非常熱, 要好小心

用個碟盛著先敢搬嚟搬去.

放涼就入雪櫃, 隨時食都得呀!   開心.

大都烤鴨午膳

 August 26, 2020, Friday

因為疫情關係, 好耐都無約朋友食飯, 今日約咗做會計朋友, 有的文件要處理, 順便食餐飯啦.

去到大都烤鴨, 只有疏疏落落兩三檯人, 無辦法, 二人限聚令, 仲要每檯相隔1.5米

午市套餐有幾款選擇

另外一個餐單就無用啦, 四個, 六個, 八個....超張定人數, 犯法呀!  呢段時間大家都要忍耐吓.

當前菜上的時候, 朋友好興奮, 佢話嚟咗成十次, 今次係第二之有醬蘿蔔, 呢款醬蘿蔔係呢道自家製, 食落又幾好味喎!   要試吓睇吓係咪可以自己整

我們分別要了四季豆及年糕雞件.

每人一款白飯, 仲有一杯熱飲.

我好耐無食過白米飯啦(在家每天都係全糙米)....今日食番, 香滑軟熟, 好味.  糖份高就高啦.

桃膠雪燕鮮奶燉木瓜

 August 30, 2020, Sunday

呢排街市好多木瓜賣, 價錢仲好經濟, 20元有三個. 我今日買咗六個. 我只需要五個, 剩一個用來煲湯.

大

呢幾個唔算太細, 又唔會太大,  用嚟燉每人一個啱啱好

咁首先要括哂的籽出嚟, 如果覺得入面都仲係細, 果肉都要括一的, 咁就可以放多的鮮奶

桃彩浸發咗一晚, 的桃膠好大粒.   其實燉五個木瓜無需太多, 但浸多的, 剩下的明天可煲糖水

上次雪燕浸得太多, 解凍就得.

我用了兩盒250 ml 鮮奶, 開溶六湯匙杏仁粉, 成杏仁奶

將奶加入瓜, 再加入桃膠及雪燕

的木瓜點解放得咁穩, 就係靠呢隻碟仔

如果唔放碟仔, 燉完木瓜變軟, 或者穿底就麻煩

放上碟仔再放入托盤入蒸爐燉一小時

攪掂啦

非常美味.   因為杏仁粉微甜加上木瓜本身都好甜, 我無另外加糖.   但型爸食落想甜的, 咁就比佢即時加的碎紅糖.

總之呢個甜品又潤又好味啦.

雞絲炒米粉

August 30, 2020, Sunday

一到星期六日就就要諗吓午餐晚餐食咩    而二公子同女朋友, 疫情關係, 我也不想他們常在外面吃, 所以都叫他們回家.   

今日午餐就炒炑粉啦.

呢包係越南米粉, 份量好似少咗的...  唔...有辦法, 加多的菜咪得囉

紅蘿蔔加椰菜

再加的肇菜

雞扒醃好

呢的係Cindy的緬甸食品, 我幫她網購回來的.   她拿了一些用來炒麵.   這東西食落口感像竹笙.

兩隻蛋打勻煎成蛋皮

跟著炒炒炒, 咁就攪擔.

每人加一杯檸檬蜜糖, 就成一份美味的午餐.

慶生

 August 17, 2020, Monday

從多年前開始, 生日那天會放自己一天假.   今年也不例外.

抗疫期間, 也只是留在家中, 不過今天在家也是休息...唔使煮呀!

Cindy好有心, 整咗心心早餐比我...

心中有心呀!  

仲有營養麥皮

非常豐富的早餐, 不過太多了, 有一半益咗兩隻狗狗

呢份係型爸的, 佢少咗那份心心吞拿魚粟米三文治

午餐是水餃.

至於晚餐, 因為限聚令加上食肆六點後關門, 所以一定在家裡吃.   型爸去買了海鮮, 一家人在家叫粥底火鍋.

龍蝦

鮑魚

龍躉

蟶子

蜆

海蝦

肥牛

龍蝦好正好多膏呀!

海蝦一樣正

我喜歡這細蟶子多過大蟶子

每人先來一隻新鮮龍蝦

今日放了一杯米, 食完呢鍋海鮮精華粥非常濃味

再加的鯪魚球, 真係無得頂呀!

其實只要一家人在一起, 食咩都咁開心.

二公子女朋友送的生日蛋糕.

願望是疫症快除, 大家平平安安, 身體健康.