白背木耳蘋果紅棗湯

August 19, 2018, Sunday

之前姊姊在Whatsapp 群組裡轉發咗一個湯水比我話可以通血管去血脂, 仲話效果好好, 但一直都無去煲.   點知最近同組長傾謁, 佢話最近去驗身, 驗血報告的血脂及尿酸都全部低哂回覆正常, 因為飲咗呢個湯兩個.    既然對身體咁健康, 我都嚟煲吓.  一星期煲一次都唔為多呀!

有興趣可以用手機開呢條link : https://youtu.be/BP8Ty79lzJo

煲呢個湯材料:  三個紅蘋果, 二兩白背木耳(浸軟去蒂) , 八至十粒紅棗(去核), 一塊果皮(浸軟), 加件瘦肉(先汆水).

三個蘋果去皮去芯, 一開四

原食譜用了白背木耳絲, 我買了白背木耳 (很便宜, HK$2.5 一兩, 二兩HK$5).  加入全部材料, 煲兩小閎.   原食譜無講要落幾多水,  我就落咗兩公升,  但我用萬能煲, 煲嘅時間短的.

煲起的湯都好濃, 白背木耳好吸水, 煲起就無兩公升.   呢款湯好甜呀!

的白背木耳煲完湯都無嘥, 將佢雪凍, 明天整個汁用嚟做涼拌木耳....食得唔好嘥呀!