Oyster More Grill + Wine 蠔魔

August 17, 2018, Friday

今日牛一, 對自己好的, 請假一天.

型爸一早安排,  中午就出發去按摩.      呢排好忙, 好耐無去按摩, 見到相熟的按摩師, 佢都話做咩咁耐唔搵佢.   嘻嘻, 呢個節目係我最喜歡的呢!

至於晚上, 型爸同二公子訂了元朗的蠔魔食飯慶祝.   平時好少去元朗, 去到泊車的地方, 竟然係元朗馬田村.   依稀記得, 兒時(幾歲大的時候), 曾經在馬田村住過好短的時間.   當年全都是田野, 現在起哂屋了.

由馬田村行去蠔魔, 大概要七八分鐘.    行到去, 好多私家車就泊响路邊....哈哈, 知先唔使泊停車場啦.

間餐廳門面都幾靚

外面睇好似好大間, 但入到去又唔係.

餐廳叫蠔魔, 當然有好多蠔供應, 餐墊紙就介紹每款蠔的味道及特色.   的蠔只係三四十文一隻, 唔貴呀!

型爸話不如開枝酒慶祝啦....哈哈, 比我婉拒了.   第一, 二公子要開車, 唔可以飲, 二公子的女朋友同我都唔係酒客, 型爸喜歡飲Whisky,  紅酒白酒都唔係咁喜好, 咁唔好為咗慶祝而開酒...哈哈, 我係幫二公子慳荷包呀....

我們要了兩份晚餐, 加一個主食.   兩份套餐有四隻生蠔, 我地再另外加八隻, 咁就有一打12隻.

Pearl Passage x 4 (美國), Namibia x 4 (南非) , Schaller x 4 (法國)

Namibia & Schaller 都係餐廳經理介紹, 但最好食係跟餐的Pearl Passage.
. 

要了一客蒜頭包...焗好了的蒜頭原個上, 跟著挑的蒜肉出嚟塗上麵包

餐湯要了兩款,  龍蝦湯(+HK$25) 及蘑菇湯.   餐廳經理好識做, 兩份湯轉細杯, 每人都有一杯

主食要了M6和15oz, HK$598, 肉質唔錯

反面羊架餐就麻麻, HK$298, 只有兩件

再加了黑松露蘑菇意大利飯

唔需要叫甜品啦.... 因為二公子的女朋友買了個Haagen-Dazs 生日蛋糕.   呢道收HK$50切餅費, 唔貴囉.

個蛋糕好靚呀!  仲好好味添.

今晚二公子請客...

快樂的星期五晚, 大家食得很開心呀!