青瓜滑蛋煮雞 - 緬甸式

May 26, 2017, Friday

放工返到屋企, Cindy又對著我笑笑口....今日又有新餸呀!

見到呢碟, 我又唔係好肯家, 係湯, 係餸定係羹?   跟著佢話係餸嚟架.   入面有的咩野?   佢話入面係青瓜絲, 蛋同埋雞肉.    咁點解的汁咁"杰"嘅, 因為放咗鷹咀豆粉,

跟著佢加咗的辣椒粉係上面.   咁就食得啦.   哈哈, 食落無咩特別味道, 有少少酸, 又唔係好食, 又不至於難食, 不過唔係好啱口胃咁啦.  

今餐仲有黑毛豬梅頭义燒, 佢落多咗老抽, 焗起深色咗的啦.

炒菜心苗

青紅蘿蔔雪耳無花果瘦肉湯

三餸一湯, 都ok 啦.

緬甸辣炒雞丁

October 2, 2016, Sunday

今日Cindy又煮一個新餸, 佢以前無煮過, 我諗應該係Myanmar Style


將雞扒切丁, 加上香葉紅蔥頭乾辣椒, 再加些緬甸辣醬來炒, 少少辣, 食落都幾醒胃

今餐仲有反炸豆卜

蒜蓉蒸茄子

蝦醬炒通菜

四個餸

仲有個肉骨茶

Cindy做野比較慢, 到佢拎的肉骨荼出蹳, 我地都食咗一半啦.

緬甸豆醬炆梅頭豬扒

Jun 15, 2016, Thursday night

今日放工返到屋企, Cindy嗱嗱林, 四萬咁嘅口, 拎包野比我睇....

呢, 就係呢包啦.   佢話昨天見到的鄉理, 比咗幾包呢的醬

拆開係咁樣, 佢話佢同的仔女都好鍾意用呢款醬煮嘅食物.  緬甸文唔識睇, 但有英文寫著用大豆做, 咁即係豆醬啦.

佢用咗我買咗黑毛豬排骨嚟煮呀!

佢話用蒜蓉, 薑蓉先煮腍的排骨, 跟著再加兩包醬落去炆

炆好咗就係咁.  哈哈, 型爸好比面佢, 話好味, 仲用的汁嚟撈飯.  我同佢講味道都唔錯, 不過唔係特別喜好, 即係嗰的唔係好好食, 又唔係唔好食啦.   既然佢鍾意食就剩番多的比佢食(我見佢真係好鍾意的汁, 係咁用嚟撈飯)

我返而喜歡呢款緬甸式雞絲拌青瓜, 又係用檸檬汁同魚露調味, I like it.

蒜蓉炒芥蘭

仲有節瓜鹹蛋肉片湯, 都幾唔錯嘅三餸一湯.