片皮鴨

July 26, 2020, Sunday

我今日又搵野嚟攪, 又整片皮鴨呀.  不過真係幾多工夫架.

Cindy都唔知攪咩鬼, 我叫佢洗隻鴨, 佢就幫我斬頭切尾...激死呀!

哈哈, 咁就罸佢將隻鴨盡量皮肉分離

都有難道架

算佢啦, 慢慢整, 雖然整穿咗少少, OK 啦

Cindy攪隻鴨, 我就整醬汁, 用三至四湯匙白醋加兩湯匙麥牙糖, 加少許老抽

用熱水座溶, 一陣用嚟上皮色

另外再用兩湯匙义燒醬大半湯匙海鮮醬, 少許糖, 鹽, 五香粉, 胡椒粉.   此醬汁用來醃鴨內腔

燒熱一鍋水, 加薑及八角,  將鴨拖水....的皮漲哂

唉, 睇見個鴨尾...真係無眼睇, 都唔知Cindy點解切成咁.

上皮色, 吹乾, 上皮色, 別乾....做咗幾次...哈哈, 都係唔係好乾, 因為無吊起隻鴨.   咁就放入焗爐, 用65-70度, 上下風吹半小時先焗

跟著200度每邊焗40分鐘

好多油架, 所以我放個底盤, 的油滴落盤一陣容易清洗的

今次焗起好靚呀!

我用刀剪起皮起用

攪掂啦.   

蒸好皮

配菜也準備好

海鮮醬加麻油

食得啦

今餐仲有魷魚蒸肉餅

木耳脆肉瓜

腐孔炒通菜

今餐都幾豐富...太多啦, 食唔哂

一鴨就唔會一食咁嘥....三食走唔甩

第二天用冬瓜冬菰鴨骨湯

非常好味

跟著仲有鴨鬆生菜包

一樣咁好味.

一鴨三味, 真係覺得隻鴨好抵食.

西瓜皮鴨骨湯

July 4, 2020, Saturday



今天整鹽水鴨,  順道滷大腸


二公子買了個大西瓜回來, 想一想, 咦, 可以整將鹽水鴨起骨, 整鴨骨皮鴨骨湯.   馬上將西瓜皮起肉.  試了西瓜, 很甜, 皮也很薄, 因為太薄, 所姒切出來仍帶了一點瓜肉, 那麼甜,不知是不是8424


蝦米, 冬菰粒, 蜆肉粒, 加幾片薑

其實西瓜皮無需切粒 因為唔會食, 但Cindy切了 那也沒所謂

因為用了整隻鴨骨, 加上西瓜甜, 煲起的湯很濃, 但最終忘了拍照.

這是起了骨的鹽水鴨

哈哈, 這滷水大腸, 切好放氣炸鍋再炸一炸. 

因為當時太忙, 忙到都沒有拍照.

另外有一味秋刀魚沙律....留番下一篇寫.

燒雞蔬菜餅晚餐

Jul 2, 2020, Thursday

今日又係要上班, 但晚上要趕回去煮晚飯.

又係昨晚已經準準備, 醃好兩隻春雞.

哈哈, 唔知係咪種的問題, 外國春雞, 雞胸咁大嘅, 超多肉.  為免雞翼易燶, 克意將雞翼尖的部位扭到背後

今日配菜, 自家製的薯蓉蔬菜餅, 唔使解凍.

撕掉蔬菜餅的保鮮紙, 又嚟一鑊焗.

美味的晚餐又攪掂

飲品係青檸梳打

我和型爸每人一份燒雞蔬菜餅晚餐

雞胸肉都仲係好Juicy.   不過呢隻春雞真係唔"春", 好大隻, 我要留起一半明天做午餐.

一鴨三味

Jun 21, 2020, 父親節

今天父親所所節, 我又嚟攪攪震, 整片皮鴨呀!  仲諗著一鴨三味, 之前未整過架, 咩都試吓麻.

想要學整好易啫, 上網睇吓人點整咪得囉.   最主要係睇吓用咩調味, 至於方法, 就係睇吓人點整, 再加自己嘅諗法, 就係咁.

先將鴨內外洗淨

今次想整隻鴨皮硬脆, 嚐試將皮肉分開, 但原來很難的, 咁盡量啦, 可以分開的就分開, 唔得就算.   Cindy 話想試試, 不過佢一試就整穿個孔.  咁就算啦.

滾水加入薑蔥八角, 先將鴨燙一燙水.   一燙之下 鴨皮馬上漲起.   唔係煮熟, 只係燙一燙

鴨腔入面醃料; 义燒醬三湯匙, 海鮮醬一湯匙, 糖, 鹽, 五香粉, 胡椒粉各一茶匙, 拌勻搽勻內腔.  皮不需要搽.  跟著用

皮料:  麥牙糖 3 湯匙,  白醋5-6湯匙,   鼓油一湯匙, 老抽半湯匙., 放熱水拌勻

跟著將料塗勻整隻鴨, 用風扇吹皮至乾

因為我沒有將隻鴨吊起, 只可以平放吹一面再反轉一面.  跟著再上料再吹, 大約三次.

最後一次我係放入焗爐用60度上下風吹了30分鐘.   再調至180度焗40分鐘, 反轉再40分鐘.

焗好啦.  的皮不黏用的真的比較脆, 但黏著肉的就唔脆

至於頸我部份, 因皮而分開, 很脆呀.   因為二公子五點要出門, 我要先整好片皮鴨大家一齊食.

片幾多就比佢食著先.  太匆忙就無影相.   大蔥, 青瓜, 甘筍絲就係 Cindy 切的.  皮就係成買, 不是自己整的.

一家人開開心心食完片皮鴨, 二公子去上班, 我就整埋另外兩味:

鴨鬆生菜包

鴨骨冬瓜粒湯

因為加咗冬菰蝦米仲有成隻鴨骨, 個湯又濃又好味.

再炒咗碟通菜

今日一鴨三味為型爸慶祝父親節呀!    做足一天,  型爸話好味, 收哂我的心意.

跟著再整多個甜品, 勁薑黑糖日本蕃薯糖.水.....真係好正架.!