有米豬+盤菜團年

January 30, 2014, Thursday, 年三十

今年團年, 姑奶勸服了奶奶唔好叫工人姐姐煮, 我地以外賣為主.  第一唔使工人姐姐咁辛苦, 第二我地唔想年三十晚食嗰的, 食唔哂年初一又食嗰的.

呢隻有米豬在季季紅訂, 要六百幾....隻豬好細. 本來的炒飯入哂豬身入面. 為咗方便大家食, 要先剪開隻豬, 將的飯放到一邊

剪豬時的皮仲有的脆, 但人齊一起吃時, 的皮已經唔脆變韌, 的炒飯亦變硬.   呢隻有米豬變得又貴又唔好食.  下次唔訂啦.   乾脆訂隻乳豬, 都只係三四百文, 的皮仲脆好多.

 

姑奶在太興訂了一個盤菜, 睇落都ok

 

 在大家樂又訂了一個

 

大家樂的鮑魚, 蝦, 雞,鴨就分開盛起.   不過的蝦真係唔得, 食落就知唔新鮮, 霉霉地咁. 

其實我唔鍾意食盤菜, 全部撈埋一堆, 有咩好食.  今餐用嘅錢, 要整好的菜色一的都唔難, 但奶奶姑奶都唔識教姐姐, 我地又各有各忙, 食盤菜唔使奶奶要工人姐姐煮二十碟啦.

 

 工人姐姐煲了個湯, 炒了兩碟菜.   

大家熱熱鬧鬧食一餐.   團年一家人齊齊整整(我又掛著大公子)就開心啦.

 

食完切生果, 今日有幾盒士多啤梨

 

工人姐姐切的橙碟

姪女婿整了斑蘭椰汁糕做甜品, 好好味呀!  大家搶吓搶吓, 好快又食哂.

食完要快快回家, 好好休息, 明天初一好多野要整呀!