轉眼又到行程的第五天, 這兩晚在高雄的酒店沒有包早餐, 今早我地可以出去試下高雄道地早的早餐. 家姊說要吃豆漿黐飯, 我地問大堂職員, 行兩個街口便有得食.
係咁意食完就算, 呢間記著下次唔會再嚟.
行出馬路見到有的van仔掛著大banner...係炭燒三文治
奶茶咖啡豆漿都有
睇吓的價錢好抵食呀!
我想食一塊炭烤多士, 但無淨多士賣
食完早餐又開始我地今天的行程, 我們要去西子灣呀!
我們住的酒店有免費泊車, 在這裡開車, 真的很方便,
跟著去搵打狗英國領事館.
買了票入內參觀
一進去見到很多蠟像
做得很神似呢.
室內這幾個蠟像, 真人一樣.
另一邊房間是賣紀念品的地方
款款都是皇家紀念產品, 價錢都好貴呢!
見到這枝酒, 忍唔著買了, 水晶瓶限量版, 15-35 years blended whisky.
行完便離開, 但我們覺得很奇怪,地方這麼細. 姨甥說我們參觀這部份, 旅遊書沒有介紹過, 旅遊書上的圖片, 跟這裡也不一樣. 回想買票時, 售票員說有兩個部份, 當時沒有留意, 我們參觀完便離開.
回去拿車時再問職員, 原來近大學呢邊上面係領事館原址, 就是賣票員所說的另一部份.
周圍參觀一下
走時從另一邊下山, 呢幅植物牆砌得好靚呀!
留意一下, 原來砌了春日兩個字(都係估吓咋)
差唔多中午一點, 我地離開去食午飯. 姨甥話去食法國菜
我地本想去2/F法式餐廳食午飯, 怎知一時五十分去到, 侍應同我們說兩點半關門, 即係唔想我地坐低啦. 其實仲有40分鐘, 我地可以坐低, 但既然侍應咁講, 無謂勉強.
不過無問題, 改去樓下Bakery & Cafe, 飲湯食麵包啦.
先去選麵包, 選好拿去收銀處付款, 侍應會焗熱再送過來
呢個就係佢地好出名的酒釀桂園麵包, 當年要排隊買, 仲係每人限買一個. 今時今日, 供應多咗,無需排隊啦.
買麵包配好刀? 咩呢道興咁樣包著個包送禮咩?
南瓜湯, 味道較淡, 但味道也不錯
食完晏先送姊夫回酒店休息, 他有點不舒服, 不跟我們去shopping .
我們4個, 今日要作衝刺, 有買就要買, 買完今晚pack行理, 明天就唔可以買咁多啦. 呢個漢神巨蛋shopping mall 有8層, 結果就响8樓買到大出血.
我地買到大袋二袋, 計計先,我同型爸三大袋, 姨甥三大袋, 家姊兩大袋. 買得好高興. 我們還可以在這裡做埋退稅, 兩萬台幣以下, 可以即時退稅, 唔使去到機場先做呀!
買完返酒店放低的戰利品, 接埋姊夫一齊出去食晚飯...
哈哈, 突然間前面停哂車, 前面路口在放煙花
晚餐我地都係去Pasadena, 不過晚上幫襯佢地嘅日木餐廳Hashi
基本上大部份食物都做得唔錯, 可惜一到燒龍蝦及蟹腳, 全部過熟, 兩隻龍蝦又乾又嚡.
當侍應來時, 我即時同佢反影, 都唔期望有的咩, 點知仍轉頭番嚟話廚師整過一隻過嚟. 咁型爸開心的啦.
最後仲有甜品, 嗰碗紅豆沙, 真係甜到.....真係食唔落去, 唔怪得要送的杯茶啦.
呢間Hashi, 價錢真係唔平, 但食物嘅做法就真係唔啱我地口胃啦.
食完飯我地仲有節目, 就係行夜市嘞
高雄其中一個夜市, 瑞豐夜市
星期六晚, 多人到不得了, 估唔到响呢道又買到野喎
行咗個幾鐘, 回酒店休息啦.
沒有留言:
張貼留言