開工大吉 - 馬到功成

February 10, 2014, Monday

農曆年放咗十天假, 今日卒之要返工啦.

昨晚夜機到港, 等攞行理, 零晨一點幾先返到屋企.  梳洗完畢, 瞓落床都已經三點(咁當然要花的時間安慰下過度興奮的Loki).   今早七點幾鬧鐘響起, 天氣又凍, 十萬個唔願意起身.  個腦諗咗幾百個理由想打番公司請假, 但一想到同部門仲有兩個同事仲放緊假, 唔可以咁唔負責任, 即刻起身梳洗.

一返到公司, 哈, 有張揮春好特別喎

 
綠色嘅, 馬到功成....哈哈哈哈, 的同事真攪鬼, 係用Lego砌出嚟架

 

 比個close up 就睇得清楚的啦.

加隻馬仔仲生鬼.

唔企馬到巧成, 仲有幾款唔同嘅福字呀!  佢地貼咗老闆房門口, 逗得老闆好開心.

返工的時間好快過, 轉眼到食午飯時間, 今日要趕出去, 約了家姊及她的舊同事.  家姊要玩驚喜, 咁我咪唔出聲, 等佢地見到家姊面先知佢返咗嚟.

約咗响寶勒巷粵海酒店皇廷酒家

哈哈, 我好準時去到, 佢地已經相認啦.   今日我做陪客, 坐响道食得啦.

 

今餐家姊請飲茶.

食完快快回公司, 放咗咁多日假, 太多工作等著要做.

開工大吉, 第一日返工就要加班, 遲咗的返屋企, 不過型爸同二公子等埋我先一齊食.

由新年到今天, 一係忙拜年, 跟著就去旅行, 好耐無一家人坐低食屋企嘅幾餸一湯.

 

有焗羊架

 

 

釀反炸豆卜

 

 

蝦米炒椰菜

 

 

花生眉豆豬骨湯

簡簡單單都好滿足啦. 

昨晚瞓得幾個鐘, 今日要早的休息.   呢個星期會繼續忙, 公又忙, 私又忙, 等家姊返加拿大先會回復正常.