蔥花蛋蝦米腸粉

July 12, 2020, Sunday

今天又整腸粉, 蔥花蝦米蛋花膠粉

今次腸粉專用粉用1:3 的份量, 即是 50g 粉, 加150g 水

配料, 蝦米半碗浸軟, 蔥花大半碗, 雞蛋兩隻打勻

開工

當然要拎兩隻蒸盤啦

其實又要薄, 又要鋪勻的粉漿都有的難道, 而每次落漿之前, 都要再拌勻的米粉漿

每次都要一盤一盤蒸, 一盤可整兩條.  頭兩盤都是蔥花蛋花   跟著嗰的全部加蝦

整咗兩大碟, 加埋都應該有24條

不過今次五個人食, 好快就比佢地KO 哂.   再加上自家整的蝦米XO醬.    好正呀!

不過淨食膠粉點夠, 煎多40食餃.

哈哈, 大家都食得好開心呀!

豆腐皮餃 + 腸粉

July 5, 2020, Sunday

上次整豆腐皮餃, 用剩6大塊, 今日整埋佢.   一開四 咁就成為24 塊

今日又再改一改, 用椰菜絲, 用碎調味, 炒熟先再包.   哈哈, 點解炒熟, 因為諗著一餡兩味, 一陣用來包腸粉

蝦仁也略炒了 再用胡椒粉撈一撈

因為豆腐皮無黏性, 所以都是用捲的方法.

很快便包好24隻

平底鑊, 加少許油煎

攪掂.

同一時間, 我又開始整另一樣:

呢的腸粉專用粉, 又是網購買的


連蒸盤刮板一套買的.

第一次整, 我跟了說明書的份量, 100 g 粉, 120g 水

不過整了第一二條, 覺得粉皮有點厚

雖然粉皮有點厚, 但第一次整膠粉有這成績也覺得不錯.  三款, 肉碎, 蝦蛋, 肉碎蝦

跟著我加了水落粉醬, 蒸好後明顯薄了很多, 跟著我加上蛋漿

看, 真的是玻璃腸粉一樣

大

粉皮薄了 包起上來穿的機會便大

這8條很滿意呀!

我們的餃子腸粉午餐

豆腐皮餃

Jun 14, 2020, Sunday

疫情開始之後,  生活模式有點改變, 很多時都在家網購. 

今日介紹的豆腐皮是從台灣網購回來的.


此款豆腐皮很薄, 但有韌性不易穿.   一包有25塊, 而一塊剪開可成四塊


看, 真的很薄

碎豬肉先調味,  加人一個蛋白拌勻


香菜先焯熟, 切碎搾乾水份


菜與肉拌勻

今次用了急凍蝦仁,  不需與菜肉拌勻, 只需包餃時每隻加入一隻蝦就可以

一包時就發覺有問題,  原來豆腐皮無黏力, 用了少許豆粉水也不可以, 那就包了幾款形狀試試

用水煮了幾隻, 味道可以 但皮薄, 煮熟皮會散開來...不適合煮湯餃.   無問題, 改煎餃

索性包長形

一捲兩邊壓便算

就是這樣, 包了76隻

平底鑊一次煎十多隻

滿滿一大碟, 但今天五個人吃, 餃子較細隻, 怕型爸二公子唔夠鮑

每人煮個米粉.   哈哈, 呢款米粉都係網購, 在天貓超市買, 直送到香港

呢款米粉, 非常好味.  米粉幼滑, 下次要再入貨.

芝士蘑菇雞撻

May 23, 2020, Saturday

上次整完個雞肉撻實在太好味, 今日又整過.

雞扒去皮切粒, 無需醃

上次用紅蔥頭, 今次用半個洋蔥, 礶頭蘑菇六粒, 全部切碎.  雞肉, 蘑菇,洋蔥用牛油炒香, 加鹽胡椒粉調味.  盛起備用.

再用牛油炒香麵粉

再加入少許雞湯(嗰粒冰就係雞湯), 再加少許cream 及鮮奶

將雞肉蘑菇回鑊, 無需要太多汁


煮起好似喧就得

預熱焗爐180度

先將急凍撻皮焗5-8分鐘, 再拎出嚟放入雞肉

放好雞肉後, 每個撻再加上四份一塊芝士.....好魔鬼呀!

放入焗爐180度焗15分鐘.

一出爐, 二公子吃了三個, 我及型爸還有二公子的女朋友吃了一個, Cindy一個, 再包起幾個比二公子的女朋友帶回家, 剩低兩個, 型爸話唔好留啦, 一人一個食埋佢啦....就係咁, 全部KO 哂.....相都唔得影就無嗮啦. 

嘿嘿嘿....我下次加的黑松露醬落去.....可能仲剎食呀!