南涌郊遊徑

February 8, 2015, Sunday

星期日, 又係我地行山樂的日子.

我地出發嘅地點, 都係泊車响觀音廟附近, 拜完觀音拜天后, 跟著再拜關帝廟, 跟著先開始我地嘅行山行程.

我地今天行南涌郊遊徑...真係唔好睇少呢條郊遊徑, 呢條路熟於中高級, 我地呢的BB班, 行得有點吃力呀!

我地現時在右上角黃色之處, 仕程要行2.5小時...如果要行回程, 即係要5 小時.  所以我地今日大概行1.5小時, 就會回程.

呢條徑一的都唔好行, 山路崎嶇不平又窄, 只適合一個一個行, 平排行都唔係好得.

我經過第一個水澗, 大家停低休息影吓相.

吓, 行咗咁耐都只係半個鐘咋...梗係, 全部都係斜路或石級, 真係有的辛苦呀!

行多半個鐘又有新標誌, 呢道都可以行去鶴藪, 不過琅多行3小時...頂唔順架.

我地去到第三個水澗都已經行咗1.5小時, 諗著回程啦.  點知遇到另一批行山人仕, 提議我地多行15分鐘, 上面有處好多吊鐘花盛開, 仲比的相我地睇..

大家見15分鐘, 咁都好, 繼續行....

點知絕對唔係15分鐘, 我地可能行得慢, 女士已經無咩體力, 卒之行咗35分鐘..

先見到呢的吊鐘花....可惜花已開始有些謝了....

哈哈, 唔行都已經行咗..

影幾張靚相.

回程了....

經過先前的山澗, 剛先嗰位行山人士, 佢話呢的漩渦, 經過億萬年先會形成喎.

上山行了兩個幾小時, 但落山就快好多

一個小時就回到呢個南涌亭

我地行咗三個幾四個小時, 好攰呀...就响路口呢間成記士多食野

 
呢道都有十張八張檯...哈哈, 士多都有盆菜供應呀!

呢就都係食麵及三文治...

 

仲有腸粉

 

魚蛋燒賣...大家都好肚餓, 覺得好好味.

呢道的奶茶好立克都幾好飲.

每人叫一碗麵,食完都好飽, 因為食咗好多腸粉呀!

兩點幾先返到屋企, 好攰, 要好好休息吓.