流水嚮鶴藪營地行山樂

February 1, 2015, Sunday

呢幾個星期, 每個星期日都去行山, 覺得好開心呀!   趁呢排天氣好, 要行多幾次, 遲的天氣熱, 想行山都頂唔順呀!

今日呢隊行山BB班行流水嚮呀!

好多人都行過流水嚮, 但我都係第一次嚟

行山最開心係見到的靚風景

好快就行到去觀景台

咁梗係要影吓靚相啦...close up...一陣我地要戈到去中間白色的樓嗰道呀!

呢道都有的梯級及斜坡, 不過都係小兒科

呢道有職員休息處, 但今日星期日無人(平時唔知有無人响呢道工作呢)

呢道係流水嚮郊遊徑, 哈哈, 領隊話呢向上行係中級班

我地行下面海邊係BB班

去到流水橋大家影張相先.

呢道原來可以行去大埔公路

 

呢道風景都好靚呀!

 

我地現在响黃色地標之處(左上藍水河水)

跟著行到去鶴藪

呢道亦有條鶴藪郊遊徑,

附近仲泊咗好多私家車, 原來响粉嶺有綠色小巴52B嚟呢道架.

 

睇吓, 我地行到另一邊啦 (地標黃色處)

呢道有好大個燒烤埸, 仲好靚添, 唔怪得之有咁多私家車响道啦.

再行過去經過水霖花園

呢道係政府認可水耕菜場

不過的菜好貴, HK$70 三棵, 的士多啤一磅要八十文, 只得十粒八粒.  不過平平貴貴都唔買啦, 唔通拎著行山咩.

唔買都影吓相

呢道仲有士多啤梨菜田

卒次行到營地啦... 哈哈, 不過我地唔係嚟露營, 行到呢道我地就回程啦.

回程見到呢的紅毛花, 又幾靚喎.

行完我地回到泊車處, 去食午飯啦.

開車去咗沙頭角海景的房菜餐廳

有午餐, 好抵食喎

哈哈, 有介紹沙頭角點樣名明

的燉湯都算平, 仲有客家三杯鴨

德國鹹豬手...的豉油王中蝦貴過豬手一倍呀!

我地都各自叫午餐,型爸要了A餐, 梅菜腩片蒸茄子, 又幾好味. 

我要了乾炒牛河, 顧著食咩都唔記得影啦.

另外叫咗一客豬手, 大家share嚟食.

哈哈, 嚟呢道都買到手信, 有米通餅, 炒米餅, 薑糖, 樣樣都幾好味架.

食完返屋企休息, 下星期再行過.