一家團聚宴

February 17, 2015, Tuesday

型爸接咗大公子,  再去接我放工...我真係好心急, 但的工作多到氣咳, 的外國客人真係唔通氣, 好多野我地想答都答唔到, 都係要等假期後先可以答.  但點都唔可以掉低唔理, 點都要回覆哂的email先走得....結果要佢地响樓下等咗我三十分鐘.

返到屋企drop低行理, 我地一家人出去食飯, 二公子的女朋友都嚟咗, 咁我地一行五人出發啦.

數數手指, 大公子都有七八年無返嚟過年, 以前返學只可以暑假返嚟, 而家出嚟工作了一年, 先可以請假呀!

型爸同二公子決定去邊道食, 二公子想食西餐, 但型爸話大公子一家想食海鮮多過食西餐,  哈哈又比佢估中.

我地又去流浮山球記呀!

哈哈, 食嚟食去都係嗰的海鮮, 但大公子就好耐無食過啦.

白焯花螺

蒜蓉粉絲蒸扇貝

豉椒炒大蟶子

清蒸大杉斑

椒鹽瀨尿蝦

薑汁芥蘭

酥炸生蠔...呢道的炸蠔真係得...讚!

鹽焗奄仔

海觧湯, 非常濃, 好味呀!

不過太大鍋, 我地五個人飲唔哂.

食完返屋企啦, 大公子好攰, 佢話坐咗十幾個鐘飛機, 都無咩點瞓, 要返去好好休息.

但我就好忙啦..返到屋企就要開始整糕...今晚無兩三點都無得瞓呀!