蛇宴

January 27, 2015,  Tuesday Night

呢排不停有我食.

奶奶住美孚, 佢買參加了民建聯攪嘅蛇宴, 買了一圍12位卷,

 
每人要HK$170

我以前都未嚟過, 真係攪笑, 三樓係一位議員, 而二樓又係另一位議員攪的蛇宴, 我地差的去錯地方.

因為好難搵位泊車, 去到啱啱上炸海鮮卷札肉拼盤

跟著就上一大鍋蛇羹, 唔止一鍋呀, 叫我地快的食, 仲有一鍋上.  但係我地仲有五個人未到, 我地唯有先食呢鍋, 另一鍋就留比遲到嘅人.  哈哈, 等得嚟, 卒之全部都到齊啦.  的蛇羹好似好足料, 但食落無咩味.

呢碟係素菜, 但我講唔出個名呀!

呢籠係蒸水魚, 的味有點怪, 好重紅棗味, 甜甜地.

有蛇酒, 汽水供應

仲有姬松茸顯鴨湯

大抽獎, 我地呢圍抽到頭獎, 錦鯉年糕一條, 價值HK$188.

呢隻唔知咩野雞, 咩味都無, 都肉超嚡.

最好係碟菜, 真係有菜味

羊腩煲.  自從上次食羊腩煲腸胃炎之後, 見到都有的惜.   型爸話的肉又係嚡烚烚.

糯米飯, 非常一般.

全晚不停用廣播推銷呢樣嗰樣, 叫人買呢買路...呢的咁嘅蛇宴, 真係唔好制, 又唔係好平, 同一價錢, 去酒樓食好過啦.   奶奶請我地食, 我地都唔想佢嘥呢的錢.

啱啱响青衣城稻香食嗰餐, 好味好多.