小雲川米線

January 27, 2015, Tuesday

呢排經過尖東希爾頓中心都有一個藍色大公仔(人扮的)做招來, 另再加一個女孩派單張.

其實呢間都開咗一段日子, 只不過無興趣去詆, 今日興起, 手接單張就同兩位同事去試吓.


就係呢張單張, 之前問清楚除了米線, 亦有飯食先上嚟.   我同麻煩鬼同事食一碗米線便可以, 但慢麼麼是飯桶, 佢唔食飯佢唔夠飽架.
 
 
午市推介,腩肉米線及原條鮮魚湯米線, 另外有黃金酸菜肉燥飯

 
兩款米線加HK$10可變套餐

麻煩鬼要了套餐, 小雲卷墨丸米線, 加墨丸, 熱檸水, HK$48

慢麼麼要了雞扒肉燥飯, 餸少, 飯亦唔多. HK$38

我本來想要原條鮮魚米線, 又好怕整得唔好, 成碗麵咪好腥, 都係要腩肉米線穩陣的. HK$38

不過食完, 覺得的食物的質量都只是一般, 以米線嚟講, HK$38一碗亦唔平.  食完亦沒有特別想回來再食...不過都算係多一個選擇啦.

呢道附近競爭咁大, 三哥的米線, 價錢平的又大碗的, 呢個價錢唔易做呀!