出發前的鮑魚麵餐

November 13, 2015, Friday

忙忙忙忙忙, 趕趕趕趕趕,  忙足了一個星期.  平時唔會咁忙咁趕, 但一放假, 的工作就排山倒海, 仲要預先處理假期中可能發生的事, 哈哈, 都只係盡量做, 希望無太多突發事情啦. 

行理已經執好哂, 放工返到屋企, 仲可以同型爸撐撐檯腳.   今次旅行, 唔係同型爸去(佢唔想坐長程飛機, 又唔捨得留低兩隻狗狗咁耐),  臨上飛機前, 整的好野佢食.

 邊有時間整的咩, 又咪係已經煮好嘅即食乾鮑, 連汁放入蒸爐, 大約蒸20分鐘就可以

 
 焯的白菜

 煮個鮑魚麵

 咁就得啦!

 加埋杯美味的飲品就係我地今晚的鮑魚鮑魚麵晚餐

 好味呀!

食完清潔梳洗, 出發去機場

今次跟旅行團, 九點半就要先集合.

先去check in, 攞咗兩程機嘅boarding pass, 就同領隊講bye bye, 去到閘口先見啦.

有兩個鐘頭時間, 先去premium lounge 坐吓啦.   嘩!  估唔到lounge咁多人, 差唔多全部坐位full哂, 好彩我早到小小到仲有位, 到我走時, premium lounge門口竟然排滿長龍.   其實我都唔餓, 食咗幾粒魚蛋, 飲杯野攞枝水就走啦.

出發啦!....我的雙牙之旅!

拆肉黃花魚粥+炒米粉

November 12, 2015, Thursday

呢排做咩型爸咁鍾意失驚無神,  今日又打電話比我話想食粥, 唉吔,  我星期五晚開始放假, 零晨要飛, 呢個星期在公司做到暈呀, 咩野都係趕, 唔放假唔趕, 一放假就一定趕, 我真係無心情呀.   型爸話唔緊要, 佢去買料, Cindy整得啦.   教咗Cindy咁多次, 而家就係佢發揮嘅時候啦.

 
返到屋企就有得食啦.   本來平時整菜心黃花魚粥, 今日只係黃花魚, 一樣ok啦.  拆咗5條黃花魚, 點會唔ok呀!   不過Cindy有的心急, 的魚肉仲有好多骨呀!

米粉炒好, 但點解的米粉咁碎嘅.  Cindy話的米粉本來好硬, 一炒就變軟變碎.   個樣唔靚啫, 但味道都好好嘅.

 我們的晚餐拆肉黃花魚粥+炒麵. 

型爸好勁呀, 足足食了三湯碗粥(證明佢今日真係好想食粥), 而我都食咗兩碗, 鮮甜美味.

我叫Cindy摷番包裝紙比我睇, 下次唔買呢隻米粉呀!

沙爹火鍋

November 9, 2015, Monday

型爸下午打電話比我, 突然間話好想食火鍋, 佢話二公子返夜更, 好想同我地一齊食火鍋.  哼, 兩仔爺講哂啦.  星期一我好忙, 放工無時間買野喎, 型爸話佢一手包辦, 咁我淨係返去食, 無意見.

型爸問咁屋企有無牛肉, 咁更係有....

 
有兩包安格絲牛肉片, 梁九記買, 大幾HK$70一包, 又幾好味幾有牛味喎.

型爸買咗魚頭同鱔片

貴妃蚌, 魷魚仔, 牛九馬鮫魚蛋就雪櫃常備

腐皮牛柏頁

唐萵皇帝菜, 最喜歡用呢兩款菜打邊爐

仲有呢款韓國無味粉的火鍋麵

 
 型爸買咗呢款沙爹火鍋上湯

 

 落咗沙爹火鍋上湯, 即時變咗沙爹火鍋.

 
 今日又飲呢枝Apple Cider, 冰凍, 好爽呀!

一家人烚吓烚吓傾吓謁又幾開心嘅.

潤腸菜甫蘭段滑豆腐

November 8, 2015, Sunday night

今日突然間食呢味餸, 咁就整啦.

菜甫切粒, 潤腸切粒, 芥蘭只要莖的部份, 切粒.

豆腐切粒, 本來諗著的配料煮好埋個茨加上豆腐面, 咁咪將的豆腐蒸8分鐘.  後來改變主意, 呢個蒸嘅步驟就變成多餘啦.

將的配料爆香

跟著調汁埋一個茨, 呢個時候好想加埋的豆腐落去一齊煮

咁就燴咗佢啦.

哈哈, 煮食嘅野, 點煮都無所謂啦, 只要好味就得.   以後就咁煮, 連豆腐都唔使蒸呀!

呢餐仲有檸檬焗烏頭

唔係用鹹檸檬, 用新鮮檸檬, 用錫紙包著入焗爐200度焗30分鐘.   的魚清香嫩滑, 型爸大讚好味!  其實都要條魚靚, 响大埔買的元朗烏頭, 無泥味, 正呀!

炒多個菜 (哈哈, 用咗的蘭段煮豆腐, 的葉都唔可以嘥加麻)

仲有西洋菜鯪魚肉加肉丸湯

呢餐真係好美味呀!

龍王誕行山樂

November 8, 2015, Sunday

星期天行山天, Whisky差唔多好番哂, 我地又可以放心出動啦.

由昨晚開始, 大家又在群組研究行邊道, 今日最終決定, 南涌谷埔

今日去到觀音廟, 泊車地方圍著哂, 好似有function 喎.

見到佢地預備咗好多生果

而土地公公前面都有紅雞蛋, 鱆魚同酒呀!

問吓主持人, 原來今日係龍皇誕, 呢道會攪齋宴, 叫我地正午啱時間就食.  隨緣樂助.

龍皇誕, 咁梗係要落下面龍皇廟拜吓先啦.  哈哈, 咁啱嘅, 都係組長好野, 今日行呢條路線.

我地嘅行山速度快咗好多, 上百幾級落百幾級, 一口氣去到宋伯士先休息.  佢地啱啱先開檔.  回程返嚟先幫襯


今日天氣好熱, 個天灰濛濛

研究吓,下次去行烏蛟騰

早上9:50分回程到宋伯士多, 大家食番碗豆腐花先

再整幾串燒賣


食食吓有牛群想經過, 但見到我地坐响道又唔敢行.  有兩隻牛媽媽大肚, 一隻仲好似差唔多生添

大約十一點, 我地全程行完,  跟著去海景餐廳食個brunch

咁早, 大家都唔食飯, 食碗麵飲杯野就算啦.

炸菜肉絲豬扒米

雪菜肉災豬扒米

牛肉雞扒米

食完返到屋企麵只係十二點幾, 晨早行行山, 一的都無浪費時間呀!