川婆婆辣辣午餐

October 30, 2015, Friday

上次去川婆婆食九宮格火鍋，辣到有的怕怕。　但今日麻煩鬼又挑起條筋，呢排個胃無咩事，想去食辣粉。　咁我又就得人嘅，食晏啫，食咩都無咩所謂


坐低睇咗餐牌，麻煩鬼又改變主意唔食粉麵　(哈哈，佢成日都係咁加啦，唔係點叫麻煩鬼）.佢見到隔離檯食水煮魚, 　佢又話好想食。咁我地叫兩款餸share嚟食啦。

口水雞，要了小辣，的汁唔係好辣，幾好味

水煮魚，都係要了小辣.  又幾大鍋喎。　佢叫飄香水煮魚，真係有陣香料味飄出嚟。味道幾好喎。

 
辣辣午餐。我同麻煩鬼都無咩飯癮，平時的白飯都會分的比慢麼麼。但今日辣辣地，唔覺唔覺食哂成碗飯呀！

埋單ＨＫ＄１０８。　我地覺得抵呀！

哈哈，順便同阿寶川婆婆做個比拼，阿寶的口水雞同水煮魚午市都係ＨＫ＄５８，有湯有飯有飲品。　阿寶的水煮魚刀工切得很好，雖無川婆婆咁大份，但魚量都算係夠。

而川婆婆口水雞只係ＨＫ＄４８，無湯但有飲品。　水煮魚的湯及味道做得很好，份量亦夠(刀工無咁好，感覺上比較多骨）。　亦都唔錯。

今次各有千秋，平手....兩間都會繼續幫襯。　講真，的野好食，的客自然會嚟，我見川婆婆午市，越來越多人呀！