重陽節大閘蟹宴

October 21, 2015, Wednesday


大閘蟹到啦!

型爸用手拉車攞了兩盒回來, 共有48隻呀 24隻公24隻母!   咁多, 今晚十幾人食唔哂.  留起12隻, 明天攞比奶奶佢地食. 比咗兩隻叫Cindy自己蒸嚟食, 佢開心到暈呀!

其實食大閘蟹都好多野做架, 洗蟹, 備酒, 煮薑茶.   洗好嘅蟹再入盒加冰保溫, 拎去林老闆屋企, 佢今晚會代蒸.

 煲好的薑茶入壺保溫, 咁今晚我就唔使騰來騰去.

仲要有埋話梅, 加落的紹興酒呀!

 
所有野一早預備好, 就可以早的去飲野.  主人家開家酒, 預備好蜜瓜火腿, 要嚟送酒.

不過我唔敢飲著, 要留番的quota一陣飲紹興酒....我鐘意飲黃酒呀!

主人家今日預備咗一款涼拌菜, 木耳素雞

仲有越南春捲.  佢整的越南春捲好好味架!   比外面嘅越南餐廳更好味.

 
整咗48條, 個個都食3-4條...都已經差唔多飽啦.

八號屋整椒鹽豆腐

三號屋整咗栗子炆排骨

五號屋的緬甸雞撈麵

林老闆的煎野生烏魚子

林太的釀苦瓜

炒什菜

咁當然仲有大閘蟹啦.    公蟹大隻的, 有六七兩一隻, 肉甜但羔唔算太多.   母的細隻的但爆哂羔.  九月圓時十月尖, 呢個時間母蟹係多羔的.

不過好公道, 多羔肉唔甜, 肉甜就唔多羔.    唔敢食咁多呀, 兩隻就夠哂數, 膽固醇超標呀!

飯後仲有無核提子, 咁當然仲有我煲嘅薑茶啦.

今日飲多咗, 加了話梅的紹興酒實在太好味.  

的大閘蟹食唔哂, 留咗幾隻比十五號屋, 陶媽一家去咗日本, 無口福了.