心痛

October 31, 2015, Saturday

五點鐘我地出發去接Whisky仔, 去到見到佢, 頭都唔願抬起, 行兩下就坐低無里神氣.  手術後兩三小時, 藥力未過, 加上整日無食過野, 手軟腳軟咁, 心痛呀!

做絕肓手術要HK$2,000 (平時應該大約一千文, 但佢要就體內取出睪丸, 所以貴的).  但呢兩千文我地唔需要比, LAP收養回來的狗, 一定要絕肓, 幫我地申請咗資助, 我地無需付款.

面另外一張單千幾文就係幫Whisky切咗肚臍嘅脂肪瘤. 

我地對呢間診所無咩好感, 唔知係的姑娘唔清楚定咩, 竟然連那兩千文都想我地付款.   呢個當誤會都算啦.  Whisky仔一攞返嚟就開始肚痾, 帶佢嚟打防疫針時順便睇埋, 化驗話有梨型蟲, 好長手巴尾.  睇咗幾次醫生, 食咗三個星期藥, 轉完一隻狗糧又另一隻, 使咗幾千文都無所謂, 最慘係Whisky完全無好過, 越痾越犀利.  到最後唔信佢, 唔再食佢地的藥.   走咗去問pet shop, 介紹咗一隻杜蟲藥, 話食三日一定得.  叫我地停餵狗糧, 早上餵三條雞柳, 下午食一個蕃薯, 晚上再再食三條雞柳, 只係一天時間, 已經即刻止痾, 便便正常.   如果唔係LAP安排咗呢間診所, 真係以後都唔想再嚟.

我地抱Whisky仔上車, 可能觸到佢傷口, 佢嗯嗯嗚嗚叫痛.    返到屋企都唔肯落車又要抱, 又痛到呱呱叫.    最慘Loki見我地抱著Whisky仔佢呷醋, 想咬Whisky仔, 我地又要忙著將兩隻狗分開.
見到Whisky好似眼泛淚光, 我都想哭.

明天我倆決定唔去行山, 留在家看管著兩隻狗.  頭一兩天很重要, 唔可以比佢郁動太多, 怕傷口爆開就麻煩.

Whisky唔可以上樓梯, 要在地下睡覺.  做完手術已經很痛, 仲要自己一隻在大廳睡, 真可憐.  攪到我整晚睡不安眠, 整晚掛著佢, 上上落落睇咗佢幾次.

第二天一早下去, 見到佢行動自如, 我個心先安落的咋.  但佢個樣仲係好憂鬱唔開心, 同平時百厭兀頑皮樣差天共地.

睇吓佢個肚瘦到..., 昨天餓了一天, 晚上餵了食一餐.  今日要比佢食番多的, 等佢快的復原呀!