粉紅色的麵

November 7, 2015, Saturday

自從收養咗Whisky仔, 差不多個個星期六都唔得閒, 唔係帶佢去睇醫生就去上堂, 今日唔再需要睇醫生, 又唔使再上堂, 卒之可以輕鬆响屋企hea吓.

 
摷吓廚櫃, 見到包粉紅色的麵, 今日煮嚟食都好喎.   呢包麵點解粉紅色? 因為加咗梅囉, 咁當然有色素啦.   打開包裝, 聞到有陣好清新嘅味呀!


包裝入面有教煮麵嘅方法, 我呢包係烏冬, 要煮10-15分鐘

最終我煮咗13分鐘


撈起的麵放入碗內

配料就預先整好, 今日用安格斯牛肉片, 中式煮法, 解凍用豉油豆粉糖先醃好.  

跟著用嚟整煮個牛肉湯


另外仲有一包鮑魚片...哈哈, 呢的唔係真鮑魚, 係仿鮑片, 其實係魷魚片.  呢樣二公子非常喜愛, 久不久就叫我入貨. 

二公子千吩萬咐呢的仿鮑片千祈唔好煮熱, 解凍就咁食就好好味.   有的酒店同日本餐廳就係用呢的鮑片嚟整鮑片壽司呀!

牛肉梅麵

加多幾片鮑片就唔同哂啦.

今天飲品, 蘆薈小麥草

我們星期六的午餐