新會柑 - 酵素收成了!

October 29, 2013, Tuesday night

 

放工返到屋企食完飯有排忙，因為新會柑酵素到期收成了 ，有的工夫要做呀！

 

十月十四日浸，要浸十四天，今日已是第十五天，耍將果肉果汁分隔。

 

呢幾瓶用石蜂糖浸的，浸了三兩天已經出了很多果汁。本來有七瓶，但型爸朋友的太太又曬了果皮, 唔知剩下的果肉點算好, 型爸同佢講我用嚟浸酵素，佢專誠來我家攞了一樽回去做樣辦.  只剩下六瓶.

 

呢幾瓶用冰糖浸，只有五瓶.

 

睇吓，真係塞得好滿呀！每隔三兩天, 我都會攞出嚟開開蓋睇吓, 有幾瓶發酵得特別活躍，的果汁溢滿流出來。下次我都唔會塞到咁滿啦！  (浸了三天時拍的照)

收成時(第十五天)變成咁，果肉及果汁已分開。呢幾瓶係用石蜂糖做的

呢幾瓶係用冰糖

好明顯，用不同的糖浸出來顏色都不一樣。感覺上用冰糖的發酵力比較強勁.

將的果用撈起唔要(其實可以用嚟堆肥，但我無泥可以堆呢！) 

 

果汁過濾入樽.

我的收成品，好開心呢！





















睇吓的果汁好濃呀! 發酵時不用放入雪櫃, 但收成後要放入雪櫃保存.

 



我馬上試飲一杯，用2-3湯匙加溫水200ml (好似開果汁飲咁)，如果覺得仲係好濃, 可加到適合自己的口味.  加冰凍飲都可以，但我仲有的咳，唔想飲凍飲。

(睇Mommy Dearest嘅blog, 酵素應早晚空腹飲, 每次30ml, 加冰飲用, 但對我嚟講太甜,頂唔著)

的酵素有少少酒味及果澀味，但已經沒有新會柑的味道.

正如我以前浸龍眼,火龍果, 蘋果, 橙....全部浸完都已經沒有本來生果的味道, 幾款不同的生果，浸起味道卻都差不多.

 

明天開始，每天都飲呢!

要曬果皮，的果肉真係唔好嘥呀！