Marco's Oyster Bar & Grill - 荃新天地

November 2, 2013, Saturday

 

 

下午食完lunch, 我地由大埔超級城開車去葵涌, 會合二公子的朋友, 再去荃灣荃新天地嘉禾戲院, 二公子訂了票睇雷神奇俠.

 

唔係睇D-Box呀, 佢呢道放咗兩張D-Box嘅椅, 但壞咗無得試坐.

Thor & Loki, 入埸前要recall上集講咩野先.....

 

睇完戲型爸話不如去深井食飯, 二公子話深井食燒鵝, 唔好路啩.  型爸話深井有好多食肆, 唔一定要食燒鵝, 或者去黃金海岸都好吖....哈哈, 二公子唔想去咁遠, 我就擔心外面有的雨(一號風球呢) 再加上星期六晚, 無預先訂位, 去到無位要等就無癮啦.

 

剛啱去買件薄羽絨時, 經過見到有間西餐廳, 有個人拿著結他唱歌.....退而求並次, 留响呢個商場食算啦.  食完飯, 可順道送埋二公子的朋友回家.

呢間餐廳叫Marco's Oysdter Bar & Grill

餐紙上印上法國鵝肝牛柳大餐....二公子一見兩眼發光

晚餐仲有好多選擇, 價錢大都是HK$288 - 328.  另外仲有一個HK$638 for two 嘅龍蝦牛扒餐推介

 

當型爸肚餓時, 由佢叫野係好危險, 叫少的佢都唔願.  我話叫四個餐真係食唔哂, 但佢聽唔入耳, 佢只係知道我一個人食唔哂, 佢地三個可以幫我食埋. 

 

哈哈, 睇吓佢地幾有食力

 晚餐有6隻生蠔, 我唔食啦, 佢地三個人每人兩隻啦.  不過呢的蠔比較淡口, 型爸一面食一面話無啦.

跟著餐湯嚟啦...本來好大期望, 但的湯嚟到就好大失望, 三客龍蝦湯, 一的味都無, 反而其中一客蘑菇湯仲濃味的.

三文魚醬多士

蕃茄水牛芝士

鵝肝醬多士

哈蜜瓜巴馬火腿

鵝肝牛柳一份

 

三份煎牛扒

龍蝦

 

真係食到捧普個肚, 本來二公子叫了焗田螺, 無送嚟都唔再加單啦.

食得太飽, 冒著瞓唔著都要了即磨咖啡....(結果真係失眠, 下次真係唔好試, 晚上唔可以飲咖啡)

 

雖然食到好飽, 但食完嘅餐後檢討係呢道的牛扒無牛味 (哈哈, 佢地話無屋企的咁好味喎)

 

甜品都唔食啦, 但我地好好奇, 見到有好多人買咗的yahoo groupon, 我地問侍應小姐係咩野, 佢話係yahoo 團購優惠, 藍莓芝士蛋糕, 原價HK$85, 團購HK$60一個.

 

咁我地多口問我地食咗千幾文, 可唔可以特價賣一個比我地, 哈, 佢竟然話得喎, 仲話HK$50就得, 咁我地食唔落都外賣買一個啦.

 

6" 藍莓芝士蛋糕,

 埋單HK$1,335.  不過型爸話無咩興趣再嚟食.

 

當晚太飽無食個蛋糕呀, 第二晚攞出嚟招呼的鄰居, 哈哈, 佢地話係咪雲呢拿蛋糕, 一的芝士味都無, 五號屋整嘅好食好多.  我一開十二件, 每人一小件, 食咗八件, 竟然無人肯添食.  

 

如果係五號屋整嗰的, 食完仲想要pack件番屋企食呀!

 

的cream cheese 成本咁貴, 幾十文個蛋糕, 點會重芝士味吖.