利寶閣 - I Square

November 7, 2013, Thursday

 

昨天媽媽剛做完一隻眼睛白內障手術, 視力清楚了很多. 今天兩位姪女帶媽媽去覆診, 睇完醫生, 帶媽媽去飲茶.

 

去了尖沙咀I Square 利寶閣飲茶.

 

佢地坐低叫了野食, 姪女whatsapp相片比我地睇....相片中除了精靈的媽媽外, 還有一碟十分搶眼的東西....(為食之人都會比檯上食物吸引) 

 

就係呢碟呀

仲有成一尺幾長的絲

我問姪女係咩野.....佢話係拔絲南瓜......嘩嘩嘩嘩...好想食呀!   姪女叫我即刻過去....

 

哈哈哈, 為食的五號屋立即過去, 由尖東去尖中, 都要行十幾二十分鐘呀.....除了為食, 我都好想去睇吓媽媽...佢做了一隻眼睛, 另一隻眼睛唔肯做啦, 佢話好驚, 睇到野就算.

 

呢幾隻係佢地留番比我架.....咁凍咗就梗係無剛啱整出嚟咁好食啦. 我食兩件夠啦.

兩位姪女都係食素, 叫的都是素菜.  不過我去到的脆皮豆腐都唔脆皮啦.

 

佢地四位都差唔多食飽啦, 咁我叫兩三樣好啦!

叫了香煎素鵝...唉吔, 炸成咁, 我唔like呢!

 

入面仲好少餡, 都係五號屋自己包好食的(哈哈, 五號屋真係奄尖又麻煩)

呢個包就特別的啦...

入面係杏汁嚟架.

另外要了粉果, 又幾好味喎.

 

 

叫了三樣野, 佢地都幫我手食的, 唔係我攪唔掂呀!

 

本來我做姑姐嘅應該要請飲茶, 但我無匯豐咭, 匯豐咭有八折呀!  結果姪女請食晏.

 

折咗埋單HK$490.  如果無折, 貴好多呢!

 

下次媽媽再覆診, 輪到我請呀!