女子組韓國首爾之旅-Day 2

November 15, 2013, Friday

昨天好攰, 零晨兩點先瞓, 今早大家瞓晏的, 十點半先出嚟食早餐.

我地去咗就近嘅餐廳食早餐

我唔識睇餐牌呀, 都係看圖點餐, 韓國人早午晚餐, 都係食飯麵.

大姪女食素, 點了素菜壽司

魚蛋辣麵

豆腐辣湯配白飯

豬扒飯.... 我都想像唔到, 咁早要食飯.   但又幾好味喎

食完經過的小檔...哈哈, 又忍唔著買野

苦瓜乾

五味子

玄米...

咁都買咗一大堆, 好重呀.

放低的野, 我地就出發去outlet啦!

 大姪女帶我地去搭巴士... 佢真係好叻, 的韓文都係自學.

坐咗個幾鍾車, 去到Paju Premium Outlets

呢個outlet, 同我地去加拿大, 日本嘅outlet都好相似

有LC store 呀, 不過見唔到我想要買嘅野...慳番.

响呢道我無咩出血呀....但兩個姪女就有收穫啦.

行到五點半, 我地坐車離開

坐完巴士再轉地鐵, Hangik University落車

 姪女帶我地去呢間專係食雞的地方

 全店只買一款食品, 就係辣雞嘞

雞可以叫半隻, 一隻或隻半....餐牌好簡單.  跟著就係的飲品及米飯之類.

我地因為早到, 上到嚟本來無人, 但坐落無幾耐已經坐滿, 跟著樓下就有人排隊等位

呢碗白色係蘿蔔湯, 加咗冰...我諗的雞都真係幾辣

侍應跟著比咗張咭, 一陣用嚟埋單

我們要了隻半雞, 姪女唔食肉, 咁我地叫的粉絲, 菜,菇比佢食.  食完的雞, 再叫碗炒飯加落去, 的韓國人都係咁食.

香港有麻辣雞煲, 呢道嘅辣雞鍋都好好味呀!

食完我地又去行街(我兩個姪女勁行得)

見到有間Hello Kitty Café, 細姪女好想去, 啱啱食飽唔去啦.

 行街見到呢款美容飲品, 嫂嫂提議買嚟試吓...咁梗係試啦.

行咗個幾兩個鍾, 又搵間Cafe坐吓

 多款雪糕甜品選擇

每人叫杯飲品, 大家share食甜品,  呢個甜品勁大杯

食完坐巴士返去...我地認得啦, 見到大石門就落車.

哈哈, 今晚節目未完呀!

兩個姪女去convenient store 買咗的米酒, 薯片宵夜呀...(佢兩個唔止行得, 仲食得添)

呢款米酒好popular, 我見到的檔口, 的男客人一面食一面都係飲呢的酒.  的酒度數唔高, 應該同紅酒差唔多.

姪女鍾意食的芝士腸

仲買咗兩個紫菜飯團 (宵夜食飯團...勁)

原來好好味架.

仲有呢款蟹柳

哈哈, 我地敷著面膜(買咗咁多即用啦), 一齊傾謁飲酒, 好開心呀!

飲飲吓我頂唔著啦, 邊食得咁多....睇睇吓, wow....差唔多零晨兩點, 我要瞓啦!

明天要去食海鮮呀!