女子組韓國首爾之旅-Day 3

 

November 16, 2013, Saturday

 

轉眼又到我地行程嘅第三日, 姪女今日帶我地去鷺梁津食海鮮呀! 

 

坐地鐵去到鷺梁津站

呢道有一個好大嘅魚市場, 好多款式嘅海鮮

由1樓影下去, 長長好像看不見盡頭

一路行一路睇吓食咩好.

突然見到街市中央有好多人坐在那裡食野, 全部都係食緊海鮮呀!  姪女話佢嚟過女幾次都未見過.  

 

見到的人排隊買海鮮, 我地又唔執輸....嘩, 全部新鮮整...好平呀!  一大盤焯生蠔五千韓幣(即港幣三十多元), 白焯鮮魷一萬韓幣, 炸蝦天婦羅五千韓幣

 

呢碟青口仲誇張, 係免費.  見到的公公婆婆係咁食.

 

食完覺得好食就幫襯買袋返屋企吧

 

睇吓呢碟唔知係咩

睇真的, 原本係醃蟹, 

係用生蟹醃製, 好似中國的醉蟹咁.  呢道落咗好多辣椒, 好辣呀! 不過好鮮甜喎.

 

姪女食素, 海鮮都唔食, 唯有食埋煎餅啦.

 

呢款辣椒醬幾好味

 

一大箱, 每買一碟魷魚送一包

 

好豐富呀!

就係用呢個大木桶焯魷魚

一碗都有兩大隻

 

佢地比的蠔一的都唔手軟, 每一碟都係滿滿

唔識韓文, 好明顯呢兩日應該係的咩咩海鮮節, 我地適逢其會, 有平海鮮食.

食完周圍行吓

 有魷魚賣呀! 買咗一包, 1.4kg, 三萬韓幣, 我諗抵啩.

仲有其他產品, 但要放雪櫃, 唔啱買呢.

跟著又見到一檔串燒螺肉

仲有即劏魚生

 

哈哈, 唔抵得又食呀!  呢碟一萬五千韓火幣

配一碟生菜二千

買咗三串燒螺, 醮的醬食幾好味.

今勻真係好飽啦.

又見到排長龍....呢檔煎魚又係唔使錢呀....不過我地唔食啦.

再見到的海鮮都唔想食啦.

食完晏, 姪女又帶我地出去行街, 去"宏大"行街.

食完飯無幾耐, 但見到呢間一定要幫襯, 之前睇雜誌都有介紹過...好多人排隊呀!

一個接一個比錢

每位三千韓幣

跟著去攞枝stick

跟著有另一人個負責唧的雪糕入枝stick入面

kakakaka, 好攪鬼呀!

行咗一陣, 細姪女約咗朋友, 我地唔行啦, 搵間cafe坐低飲下午茶

呢道飲咖啡貴過食韓餐呀!

 

坐咗個幾鐘又行.... 北村...三清寺 (姪女講咗兩次, 我都係無咩印象)

姪女話佢上個月嚟仲有紅葉, 而家過哂啦.

呢道的商店同名洞, 東大門嘅店舖好大分別

有好多都係手製飾物.

姪女帶我地嚟呢一區, 同我地去一間頗隱敝嘅小店食火鍋

要轉入一條小巷先搵到....吓, 五點半已經有人排隊...嫂嫂話佢唔行, 佢排隊啦.

不過又唔使等好耐, 半個小時就有位.  但我地都唔入去著, 等細姪女來到, 先一齊入去. 佢地咁好生意, 唔好阻著人張檯.

 

哈哈, 呢道又係獨孤一食... 一張餐牌攪掂.  入去坐之前已經要預點菜單, 每一個人最少要點一個四千元的餐(雞, 海鮮, 菇, 菜...芝士).

每一檯都有一個gas爐

今次我地就大姪女, 叫了海鮮, 其他都是素菜....

個火鍋好好味呀, 唔怪得之咁多人排隊幫襯啦.

我地唔夠, 都唔可以加單, 最後我地叫多一鍋, 點兩個四千餐.  呢餐食得好飽都係三萬幾, 只係多下午茶嗰餐少少.

 

因為早食飯, 食完又行街....

又買枝野飲....呢幾日食咗咁多, 大家飲枝Fat Down急救吓.

 

我地今日嘅節目仲未完呀....姪女帶我地行韓國超市

要去到呢個安國車站....平時的站好多人, 但呢個站就無咩人

車站牆壁仲貼咗好多畫

中國書法

 

去到超市, 又買咗一大堆, 我地四個人, 每人都要攞兩大袋. 

其中一款要即時介紹, 就係香蕉奶, 幾好味架.

姪女佢地又嚟啦....買咗一大堆做宵夜....我就買咗兩枝韓國清酒

 

今次的酒精勁的(可能係我差勁), 飲兩飲就頂唔著啦....我要瞓先...都成點幾兩點啦.