西瓜皮鴨骨湯

July 4, 2020, Saturday



今天整鹽水鴨,  順道滷大腸


二公子買了個大西瓜回來, 想一想, 咦, 可以整將鹽水鴨起骨, 整鴨骨皮鴨骨湯.   馬上將西瓜皮起肉.  試了西瓜, 很甜, 皮也很薄, 因為太薄, 所姒切出來仍帶了一點瓜肉, 那麼甜,不知是不是8424


蝦米, 冬菰粒, 蜆肉粒, 加幾片薑

其實西瓜皮無需切粒 因為唔會食, 但Cindy切了 那也沒所謂

因為用了整隻鴨骨, 加上西瓜甜, 煲起的湯很濃, 但最終忘了拍照.

這是起了骨的鹽水鴨

哈哈, 這滷水大腸, 切好放氣炸鍋再炸一炸. 

因為當時太忙, 忙到都沒有拍照.

另外有一味秋刀魚沙律....留番下一篇寫.

牛骨湯底之越南牛湯河

May 1, 2020, Friday 勞動節

連續幾日假期, 又要响應宅在家,  不外出, 咁又要搵的野嚟攪吓.....仲要係大project.....咩project 咁大呀....嘻嘻,  咁大嘅意思係要攪兩日, 不過難道唔高嘅.

我親自問咗整越南餐好叻的鄰居, 教我煲牛骨湯底呀!

材料唔多, 牛骨幾件 (買呢幾件牛骨, 重得要命呀!), 嗰幾件骨大到放咗落個大康寧煲都蓋唔到蓋.  仲有兩個大洋花, 二皮桂皮, 大約十粒八角, 仲有十片薑

的牛骨洗淨放在煲內, 唔係汆水, 係入焗爐烤.  洋蔥桂皮八角都放埋入去.   的洋蔥記著要用隻碟盛著先好放入去, 我唔記得, 的洋蔥糖粉落哂爐底呀.   我用220度, 焗咗45分鐘.  其實牛骨可以再焗耐的.

焗好嘅牛骨拎出嚟再洗一洗

煲底呢的好想留低, 因為煲法式洋蔥湯的話呢的係精華, 但我覺得太多油, 最後都係放棄.

為咗煲呢個湯, 我個18公升大煲又要出場.   我放咗半煲水先煲滾, 再落牛骨, 桂皮, 八角, 薑.   洋花撕去外衣, 放埋落去.  跟著加兩湯匙鹽, 兩粒大冰糖.

跟著就無野要做, 煲滾後轉細火煲二至三小時, 熄火, 原煲焗一晚.    咁大個煲, 加咗水加咗牛骨係完全搬唔郁, 所以一家要預期一個檯面, 可以放呢煲湯一晚而又唔阻著煮食.   亦都因呢個原因, 我拎個電磁爐, 放响另一邊廚櫃面嚟煲.

跟著第二天一早, 翻煲三小時.....真係估唔到, 的湯睇落咁濃.

時間啱啱好, 湯底煲好, 就要整今日的午餐, 越車牛湯河.

為咗呢個牛湯河, 在佳寶買了呢款越南乾河粉, 呢款河粉街市買的河粉好, 因為唔會咁易碎.  的河粉煮起都好滑.

牛肉就用咗美國安格斯肥牛

為咗配合越南風味, 再炸的米餅

用個小煲攞的牛骨湯底,  加的魚露胡椒粉調味, 再焯熟的肥牛.   因為的湯新鮮煲好, 湯面好多油, 要用隔油勺隔油.

加的芫茜辣椒, 攪掂

我們美味的越南牛湯河....的湯真係好美味, 平時我唔飲的湯架...今日飲哂.  型爸梗係比likes啦.

第二天,

May 2, 2020, Saturday


昨天的牛骨湯, 牛骨掉了, 牛湯底放落大康寧煲入雪櫃....第二天睇吓下面的油....哈哈, 唔知可唔可以用嚟做牛油呢.   雪咗, 除去的油就容易好多.

今日下午, 繼好續係牛骨湯之越南札肉牛肉湯拉麵.

因為包河粉食哂, 今日用日本手作拉麵代替....一樣咁好味.

跟著去佳寶, 除了買多一包河粉外, 再買埋米粉及貴刁.

而剩低嘅牛骨湯底, 我用保鮮盒入好放入冰櫃冷凍儲存, 我要留番嚟整法式洋蔥湯呀!

碗仔翅

April 26, 2020, Sunday

昨天整西式, 今日改為中式....呢個碗仔翅應該叫做食得唔好嘥系列.

點解叫食得唔好嘥系列, 因為主要食材, 都係二次創作...煲過湯的雞肉及瘦肉. 

薑蔥頭蒜就係新鮮的.


連呢的木耳, 都係二次創作... 煲完木耳蘋果湯留起的.   用過濾水清洗切絲


冬菰時新解浸軟切絲

其實呢的碗仔翅多年前整過好多次, 都係在奶奶家做所節, 佢煲鮑魚雞湯, 我就撈起的雞及瘦肉, 用埋的現成煲的雞湯, 加的冬菰絲就可以.   但後來奶奶連鮑魚雞湯都唔煲, 咁就唔整啦.

食得唔好嘥都要編排一下....星期四煲木耳蘋果湯, 星期五煲螺頭雞湯, 咁就可以食得唔好嘥.   咁當然, 唔想用湯渣, 可以蒸雞胸肉, 先煲熟的瘦肉再拆成絲都可以.

因為諗著原煲上檯, 我用個康寧煲呀!   先將的靼蔥頭蒜爆香, 加的紹酒 (我點火燒一燒, 非常危險, 無需一定做) 再加入大約1 - 2公升水 (睇吓係有幾多料, 煮幾多碗), 煮大約10-15分鐘

呢個時候, 用馬蹄粉開定個粉漿水....我用了五湯匙

預備清雞湯

加入雞肉, 瘦肉, 冬菰, 木耳絲 清雞湯, 有的人會加入粉絲, 但我無加

跟著加調味, 鹽, 胡椒粉, 生抽, 老抽,    最後打一隻蛋, 加一隻蛋的水, 拌勻,   慢慢加入碗仔翅內

食時再加胡椒粉及麻油.....真係好正呀!

哈哈, 二公子食完話好味, 我講比佢知係用湯渣二次創作....佢睩大隻眼望著我呀!

跟著我又忙著煎手扶餅

因為今晚煮咗咖哩牛脷呀!

白背木耳蘋果紅棗湯

August 19, 2018, Sunday

之前姊姊在Whatsapp 群組裡轉發咗一個湯水比我話可以通血管去血脂, 仲話效果好好, 但一直都無去煲.   點知最近同組長傾謁, 佢話最近去驗身, 驗血報告的血脂及尿酸都全部低哂回覆正常, 因為飲咗呢個湯兩個.    既然對身體咁健康, 我都嚟煲吓.  一星期煲一次都唔為多呀!

有興趣可以用手機開呢條link : https://youtu.be/BP8Ty79lzJo

煲呢個湯材料:  三個紅蘋果, 二兩白背木耳(浸軟去蒂) , 八至十粒紅棗(去核), 一塊果皮(浸軟), 加件瘦肉(先汆水).

三個蘋果去皮去芯, 一開四

原食譜用了白背木耳絲, 我買了白背木耳 (很便宜, HK$2.5 一兩, 二兩HK$5).  加入全部材料, 煲兩小閎.   原食譜無講要落幾多水,  我就落咗兩公升,  但我用萬能煲, 煲嘅時間短的.

煲起的湯都好濃, 白背木耳好吸水, 煲起就無兩公升.   呢款湯好甜呀!

的白背木耳煲完湯都無嘥, 將佢雪凍, 明天整個汁用嚟做涼拌木耳....食得唔好嘥呀!

竹絲雞燉翅

真係講唔出有幾忙, 過年前忙忙忙, 過年時又忙忙忙, 過完年都係忙忙忙, 忙到放完假, 阿仔返加拿大, 咁先可靜下來寫吓blog,  哈哈, 堆積了十幾二十日, 慢慢寫, 順便回憶一下呢兩個星期, 一家團聚開心嘅日子.    下一次一家相聚可能要過兩三年!

February 12, 2018, Monday

自從知道大公子會返來同我地一齊過年, 就諗著煲的咩野靚湯, 整的咩野比佢食.  但睇吓呢兩星期嘅schedule, 可以响屋企食晚飯的日子, 只有一兩天.   咁唔好諗太多, 先整個雞燉翅, 無時間食飯都飲個翅湯啦.

早上五時幾機到港, 型爸同二公子六時便開車去接佢.   二公子這兩星期都請了大假, 而我亦請了大假(只有2月12及14要上班), 大家都爭取多的時間相聚

 今次落重料呀!  兩大包急凍翅先用薑蔥汆水.   買到的咁靚嘅翅都係多謝組長咋.

 竹絲雞一隻, 塊面咁大嘅鮑魚一隻, 一斤豬展, 一嚿金華火腿(連皮), 全部先汆水

 先將的翅放煲底 (的翅勁大梳呀!) 跟著放埋其他配料

 

 加滿水

 

 放入蒸爐

 用110度 蒸燉三小時.   Cindy按了100度, 我叫佢加到110度,

 燉好啦...的湯好濃呀 (哈哈, 實在落咗好多料)

 的翅燉好都係一大梳

 隻鮑魚都仲係好大隻

 有幾大, 放在湯碗入面, 燉完湯依然大隻過個Iphone 6 plus.  哈哈, 大公子話要影相比佢女朋友睇呀!

 咁梗係裝大碗翅比大公子食啦....唔會偏心, 型爸二公子一樣大大碗.  Cindy一樣有得食.

加少少鹽吊一吊, 非常好味.   至於隻大鮑魚, 切片醮Washabi 加豉油....一樣好好味呀!