昨天去了一田超市, 去了相熟的和牛檔行了一round, 見到佢的英國牛扒好似幾靚, 本來都唔想買, 因為呢兩日都會出街食. 但為食型爸好想買一塊試吓, 佢話一塊啫, 唔晚上食咪下午食囉.
唔想令牛魔王無興, 咁就買一塊試吓啦.
相熟的姐姐幫我們選了這一塊, 有1-3/4"厚.
本來呢塊牛扒我預備同型爸兩個人食, 但今日二公子上夜班, 我地下午一齊食, 咁做阿媽嘅就讓比佢兩仔爺食啦.
LC grill pan又出場, 個pan養得好靚呀!.
兩面都煎得好靚嘅格仔牛扒
自助式沙律
醬汁都係自己調, 我同型爸都喜歡落橄欖油+陳醋, 二公子就喜歡千島醬.
另外再預備了火雞肉
呢份就係我地三個人嘅午餐啦.
牛扒煎得十分好, 外面脆, 入面是粉嫩紅. 可惜呢嚿牛扒唔夠牛味.
每人一份火雞肉沙律, 蔬菜仲任添呢!
三個都食得好開心, 滿足!
用grill pan係好味啲, 但彈油好勁, 因為四邊好矮, 唔似普通鑊有高度
回覆刪除有時我都費事用...
LC grill pan係有呢個問題, 我另外一隻牌子就好的. 不過我煎牛扒無落油响grill pan, 我只係塗少少油落牛扒道就煎, 無咁彈油
刪除i take the grill pan to the garden to grill, to avoid oil in the kitchen
刪除我屋企係open kitchen, 真係都幾大煙. 煎一兩塊扒又唔想咁麻煩. 下次如果要煎多幾塊, 可能要攞個電磁爐出後園煎先得啦.
刪除煎得好靚，我都係鐘意美國牛多D
回覆刪除呢嚿都係美國牛, 不過喺一田和牛counter 買. 可惜呢塊牛一的牛味都無. 下次都係去大埇街市買, 的牛扒平的又幾好味. 我去梁九記隔離嗰間買都OK. 梁九記太多人要排隊, 唔想迫呀! 下次少的人再入去.
刪除