泰國廚房 - 粉嶺馬會道

August 29, 2013, Thursday Night

今日Ruby放假, 我同型爸二公子去了食泰菜.


呢間泰國廚房, 係型爸送二公子上夜班時見經過見到到.  今日唔知食咩好, 型爸提議就去試吓....不過泊車係一個煩惱, 我地兜咗兩轉, 結果都係要冒險泊喺外面...下次有時間再周圍搵吓有無好的嘅泊車地方

入到去, 有好大個outdoor用餐地方, 今日雖然係星期四weekday, 都坐頗多客人.   室內已經滿座或已被留塵, 我們唯有坐室外, 還好今晚一點也不熱

 

見到餐墊檯紙上有幾間分店地址(其中有兩間在灣仔), 面我地幫襯呢間係粉嶺馬會道.

 

型爸話食泰菜要飲Singha, 咁我叫佢飲啦, 回程我負責開車.

叫了泰式生蝦, ok, 但肉質唔夠爽
 

肉鬆生菜包, 唔鹹亦唔太辣, 味道啱啱好.
 

冬陰公湯, 味道唔錯.


雖然係細份, 個湯足夠三碗,
 

叫了平時好少買回家煮的椰菜苗, 蝦醬炒椰菜苗, 惹味.
 

芒果蟹肉炒飯...好味..
 

樣樣都算唔錯, 唯一不好就是檯太細, 食物到齊, 跟本放不下, 攪到我地食得有的急.
 

最不理想要挑剔就是免費的甜品, 椰汁糕&大菜糕都是用大菜做, 份量不恰當, 太實了, 用小匙來食, 一壓下去, 中間裂開, 飛了一半出碟...
 

埋單五佰幾, 唔平呀, 但亦不算好貴, 中等價錢啦.

呢間餐廳會再嚟, 因為食完唔覺口渴, 平時食完泰菜, 味道濃, 要不斷飲水, 今日唔需要呀!

下次嚟要先熟習周圍環境,  搵到泊車位先可以慢慢食, 安心一點呀!