宜家食品之夜

September 1, 2013, Sunday Night

二公子返咗一個星期通宵更, 早上下班回來, 立即上嚟問我地一齊去按摩好唔好, 見佢好攰, 我地當然應承啦...不過應承咗先記得今日應該出去同奶奶飲茶, 唯有同奶奶講下星期先出去同佢飲茶啦.

午飯都唔食啦, 十二點出去, 下午六點前應該可以返到嚟.

突然間咁急, 都唔知今晚食咩好...型爸提醒我, 上次我地去宜家買咗的野仲未食, 今晚食咪得囉...

係喎, 叫Ruby咩都唔使預備, 淨係幫我洗乾淨的沙律菜就得啦.

五點幾返到嚟, 六點開始整晚餐, 非常輕輕鬆鬆....因為


煙香草三交魚...唔使煮

蔬菜Pizza Bread, 一入焗爐焗就得啦.....好長呀! 

蔬菜洋蔥薯餅, 又係入焗爐焗就得啦.
 

只需要切的Feta Cheese同牛油果, 咁煙三文沙律就預備好
 

再整咗一jar 加了伏特加的檸檬什飲
 

Pizza同蔬菜餅可以一同入爐, 200度20分鐘
 

Pizza先出爐, 焗起好靚呀! 食咗沙律, 每人食一塊都己經差唔多(呢包長Pizza bread共有七塊)
 

蔬菜餅再多焗15分鐘....好好味呀!


唔止呀, 仲有呢盒小龍蝦...解凍唔切....亦都食唔落啦.....

呢餐我地好滿意呀....食完即刻可以預告星期四晚食咩野....

頭盤:鹽水小龍蝦, 主菜:西冷牛扒配蔬菜餅....諗起都覺得好味呀!