泡菜豆腐黑豚片年糕火鍋

September 12, 2013, Thursday Night

今日Ruby放假, 我地唔想出去食, 放工回家, 整個韓式火鍋

姪女上次送咗呢盒韓國麵豉醬, 今日用嚟做湯底


仲有呢盒响超市買嘅泡菜

我無韓式辣醬, 用咗從馬來西亞及泰國的辣椒粉代替.

 

配料有韓國年糕

 

豆腐, 及大埔街市買回來的豬腩片及吉野牛

 

兩款菇


炸枝竹, 仲有半棵長白菜(肇菜)

配料齊啦.

要講吓呢款極黑豚,  好好味架, 肉質爽口, 又唔肥, 買得一包, 少咗的, 下次要再入貨

呢款吉野牛就唔係好掂, 個樣好靚, 但一的味都無, 下次可以唔買.

哈哈, 最終都係嚟個一品鍋, 除咗的牛肉及腩片要嚟焯之外, 全部放哂落去.

個湯底味道我慢慢調整, 大約落咗4 湯匙麵豉醬, 小半盒泡菜, 辣椒粉慢慢加....的湯越嚟越濃, 都幾好味架.  的年糕仲好好味添.

本來一家人食火鍋, 點知二公子有突發事件要加班, 一加加咗五個鐘, 我地等極都等唔到, 唯有留起兩包吉野牛.   今次佢無份食, 下次再整過啦.

不過型爸話二公子未必鍾意呢款韓國麵豉湯鍋底..(型爸你暗示的咩野呀????....我都知你鍾意麻辣魚鍋, 但唔使次次同一口味麻?)