與同事慶生

November 2, 2015

今日同事生日, 約佢一齊食飯.   呎位同事係我的好幫手, 少說話多做事, 如果佢請假, 真係手忙腳亂.   平時佢多數帶備自家飯盒, 佢生日就邀請佢一齊出去食飯.

佢下午請假, 咁我問佢下午會去邊, 佢話講比我地聽就會話佢.  我見佢全身著哂黑色, 估佢應該係去靈堂之類嘅地方. 哈, 佢話我一估就中, 佢要跟隨教會去墳場做彌撒, 自從佢信咗主之後, 人變得堅強看得開.  其實生日去邊都無所謂, 隨心就可以.

同慢麼麼及麻煩鬼, 一行四人去Eastside Tavern

同事喜歡少肉多菜, 大家都喜歡buffet salad, 好新鮮, 食完一碟都半飽.

麻煩鬼即係麻煩鬼, 平時唔鐘意三文治午餐, j都會相就佢.   哈哈, 今日唔知做咩, 話要兩份三文治, 一份意粉, 一份pizza, 我地個個都無所謂.  就隨佢意, 食完碟沙律, 可以唔食主菜都得呀!

今日三文治係燒汁豬肉包

兩份每人有半個, 已經飽哂.

青醬意粉share 嚟食

仲有個雞肉pizza.  呢道的薄批好味, 但今日的雞肉就鹹咗的.  

仲有甜品及咖啡

上次餐廳已經同我講會停止呢張Loyalt Card 五送一優惠, 但我仲有兩張咭, 一張已經蓋滿, 一張有四個印.  一次過比哂佢.   哈哈, 竟然幫我扣咗兩個餐.  埋單只需HK$207.   非常開心呀! 今日係免費請同事食午餐.  

麻煩鬼今次又幾好喎, 佢話佢同慢麼麼兩個人比錢.   張Loyalty card多數係我同其他人去食, 佢話我都應該免費.   我話無需要啦, 但佢堅持, 哈哈哈, 咁唔使我比錢就唔比!  開心!