昨天晚上, 手機行山群組不斷叮叮叮, 大家研究今日行邊處好, 最後組長話明天決定啦....
最終我地都係行大埔滘林徑.
今日去到林徑入口有的特別, 有個counter貼咗好多靚相出嚟.
不過唔係叫我地欣賞靚景, 係叫我地Take your litter Home.
呢樣野我就非常贊成, 而我地行山組亦做得好足, 一張糖紙都唔會番响山上面. 上次去梧桐寨見到的人留低的紙包入品盒, 膠袋, 膠水樽, 真係火都嚟埋. 的人無公德心, 掉的垃圾响道邊個同你執. 唔通叫食環處整隊行山組, 行個幾兩個鐘去執垃圾吖. 我地見到好多行山人士都好自律, 坐部都自己帶走的垃圾, 山上面亦唔多垃圾. 只係有少數個別人士無公德心啫.
哈哈, 講起掉垃圾咁嘮嘈, 都係講吓我地今日點行山. 昨天講去邊行山, 大家有不同意見, 一的想行有難道, 一的又話狀態唔好. 嚟到呢道又幾好喎, 有幾條行山路線, 適合唔同狀態人士.
今日決定, 兵分兩路, 狀態好的去行啡路, 而狀態無咁好嘅就行紅路+藍路.
組長, 副組長及陶媽狀態好, 決定行啡路, 我同型爸副組長太太行紅+藍. 我同型爸因為作天做Gym做咗個幾鐘, 跟著又帶狗狗去狗公園上堂, 今早起身有的腳軟, 都係行輕鬆的得啦.
其實行啡路需要2.5小時, 紅+藍都係2.5小時. 不過啡路頭段上斜應該辛苦的.
當我地行行吓山, 二公子上傳張相片, 呢隻曳曳Whisky, 又做破壞者, 棵茶花的葉已經比佢食到七七八八, 唉, 現在仲連根拔起....
行到最後, 我地相約兩組人在林錦公路泊車處的涼亭等. 哈哈, 我地行紅+藍比佢地快咗25分鐘, 咁梗係, 我地條路線點都短小小易行的.
今日行完食過番尋味, 又去大埔花輝小廚餐廳食午飯. 今日行山出發遲咗一個鐘, 行完嚟到十二點幾, 我同型爸先落車去搵位. 又幾好彩即刻有一張大檯.
佢地泊車未到, 我同型爸隨便叫著午飯套餐頂著先, 茶餐廳通常唔會比你空著張檯等咁耐加麻.
我同型爸要了蒸烏頭同鹹蛋肉餅, 兩款蒸餸都係蒸到過了火. 不過茶餐廳食野, 唔可以有過份要求, 全部一齊蒸, 點會理過唔過火吖.
碟白飯大到型爸就食得哂.
佢地卒之到啦. 各自叫了粉麵
陶媽要了雲吞魚蛋河, 佢話唔止的雲吞唔得, 連的河粉都唔得
雞批同蘋果批都保持水準
沒有留言:
張貼留言