康年餐廳

February 14, 2014, Friday, 雙情人節

今日雙情人節, 請了一天假期, 同型爸香港一天遊....哈哈哈哈, 有無咁浪漫呀? 有有有有, 不過唔係兩個, 係六個人, 加埋家姊姊夫, 姨甥及她的女兒.

家姊姊夫星期天早機走, 姨甥今天一齊請假, 大家在香港開開心心的玩一天, 去的平時好少去的地方.

早上十點去接家姊一家, 第一站去食早餐

姨甥叫我們開車去旺角, 呢間响金魚街(應該係西洋菜街), 佢話呢道的野好好食.

其實我在家已吃早餐, 都陪他們一起吃

早餐一的都唔貴, 旺角咁貴租都只係賣HK$28. 尖東有幾間茶餐廳都貴過佢

姨甥的女兒只有4歲, 一個人要食一個菠蘿包, 佢又想食蛋撻, 咁我叫一個蛋撻, 分一半比佢, 佢又分少許菠蘿包比我.   嘩, 的菠蘿包皮脆的包又鬆軟, 好正喎, 的蛋撻一樣好味, 唔怪得之佢兩樣都想食啦.   不過佢點食得哂, 個包都係要姨甥跟手尾.

 佢地每人叫一個麵餐, 型爸話的公仔麵都好食.  就算普通餐包都好鬆軟

 
臨走前見到呢款超標食品, 鮮油菠蘿包配香滑紅豆冰...哈哈, 下次有機會再嚟食啦.

姨甥無介紹錯, 呢間茶餐廳的野真係得.  一定會再嚟幫襯.